Gjumi i keq ndikon drejtpërdrejt në shëndetin fizik dhe mendor – ja çfarë duhet të shmangni për një natë të qetë

Gjumi është një proces jetik për trupin dhe trurin. Gjatë gjumit, truri përpunon informacionin, muskujt rigjenerohen dhe proteinat shpërndahen në të gjitha pjesët e trupit. Por kur gjumi është i keq ose i pamjaftueshëm, pasojat janë të shumta: probleme me përqendrimin, ndryshime në humor, dhe rrezik i shtuar për sëmundje si diabeti dhe sëmundjet e zemrës.

Ja disa nga arsyet kryesore që ju prishin gjumin:

• Shqetësimet dhe stresi – Mendimet e tepërta para gjumit ndikojnë negativisht. Shkruani problemet në letër dhe planifikoni zgjidhjet për ditën tjetër.
• Dieta e rëndë në darkë – Ushqimet pikante dhe të rënda, sidomos kur konsumohen vonë, pengojnë tretjen dhe gjumin e qetë.
• Alkooli dhe kafja – Këto pije stimulojnë sistemin nervor dhe mund të shkaktojnë pagjumësi.
• Shtrati i parehatshëm – Dysheku duhet ndërruar çdo 10 vjet për të garantuar rehati dhe mbështetje të duhur për trupin.
• Ambienti i dhomës së gjumit – Dhoma duhet të jetë e errët dhe e qetë. Drita e tepërt ndikon në ritmin cirkadian.
• Drita blu nga pajisjet elektronike – Celularët, tabletët dhe laptopët lëshojnë dritë që pengon prodhimin e melatoninës, hormonit të gjumit.

Sipas ekspertëve, 7 deri në 9 orë gjumë në natë janë të domosdoshme për të rriturit, ndërsa të moshuarit mund të kenë nevojë për pak më pak.

Flaka