Mes lotësh, Ter Stegen i thotë lamtumirë Barcelonës: Gjermani huazohet te Girona
Botuar nga Drin Zenku
Portieri gjerman Marc-André ter Stegen ka përjetuar momente tejet emocionale teksa i ka thënë lamtumirë bashkëlojtarëve dhe stafit të FC Barcelona, përpara se të bashkohet me Girona-n në formë huazimi deri në muajin qershor.
Ter Stegen u pa mes lotësh gjatë ditës së djeshme, ndërsa më pas i është drejtuar tifozëve dhe miqve të klubit me një letër emocionuese, ku ka shprehur mirënjohjen e tij për gati 12 vitet e kaluara në “Camp Nou”.
“Dita e nesërme ishte dita ime zyrtare e fundit këtë sezon me bashkëlojtarët dhe stafin e Barcelonës – dhe ndjenjat janë të përziera. Për gati 12 vite, ky klub dhe veçanërisht kjo dhomë zhveshjeje kanë qenë shtëpia ime”, shkruan portieri gjerman.
Ai thekson se Barcelona ka qenë vendi ku është rritur si futbollist dhe si njeri, duke përjetuar momente të paharrueshme, ndërsa shpreh krenarinë për faktin që ka mbajtur edhe shiritin e kapitenit.
“I jam thellësisht mirënjohës këtij klubi, këtij qyteti dhe këtij rajoni. Dashuria dhe mbështetja juaj nuk do të zbehen kurrë”, shton Ter Stegen, duke falënderuar bashkëlojtarët për vitet e përbashkëta, betejat dhe respektin.
Në fund, ai konfirmon se aventura e tij vazhdon në Katalonjë, këtë herë me Gironën, ku shprehet i entuziazmuar për sfidën e re dhe i uron Barcelonës suksese dhe trofe në vazhdim të sezonit.
“Shihemi së shpejti”, përfundon ai mesazh.
Flaka
Botuar nga Drin Zenku
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
