A ndihmon mjalti te alergjitë pranverore? Ja çfarë thonë ekspertët

Me ardhjen e ditëve më të gjata dhe përmirësimin e motit, shumë persona përballen me përkeqësimin e simptomave të alergjive pranverore. Teshtima, hundë e bllokuar dhe irritime të syve janë disa nga shqetësimet më të zakonshme që prekin të prekurit gjatë këtij sezoni.

Shumë njerëz provojnë trajtime të ndryshme natyrale dhe medikamente për të lehtësuar simptomat, por jo gjithmonë ato rezultojnë efektive në mënyrë afatgjatë.

Një nga mitet më të përhapura lidhet me përdorimin e mjaltit si zgjidhje për alergjitë sezonale. Sipas alergologëve dhe imunologëve, kjo nuk është e vërtetuar shkencërisht. Mjalti përmban polen, por jo atë lloj poleni që përhapet në ajër dhe që shkakton reaksionet alergjike, ndaj nuk ndikon në mënyrë të drejtpërdrejtë në zbutjen e simptomave.

Ekspertët rekomandojnë që personat që vuajnë nga alergjitë të konsultohen me mjekun për trajtimin e duhur, i cili bazohet në historinë shëndetësore dhe simptomat individuale.

Një nga metodat më efektive afatgjata konsiderohet imunoterapia alergjike, e cila ndihmon organizmin të përshtatet gradualisht ndaj alergjenëve. Studimet tregojnë se kjo terapi ka dhënë rezultate pozitive te rreth 80% e pacientëve që e kanë ndjekur, por kërkon kohë dhe trajtim të vazhdueshëm për të qenë efektive.

Flaka