Anulohen koncertet e Taylor Swift në Vjenë
Botuar nga Drin Zenku
Tre koncertet e Taylor Swift që pritej të mbaheshin në Vjenë këtë javë u anuluan pasi qeveria konfirmoi se ishte planifikuar një sulm terrorist .
Për sulmin e planifikuar reagoi edhe kancelari austriak Karl Nehammer i cili tha se falë forcave të policisë u parandalua një tragjedi.
Policia austriake arrestoi të mërkurën dy persona të dyshuar për planifikimin e sulmeve në koncerte.
Autoritetet kanë kontrolluar banesën e njërit prej të dyshuar dhe po analizojnë sendet e gjetura ne shtëpi. Mediat lokale, thonë se tre të dyshuar të tjerë janë ende në arrati. I dyshuarit kryesor u arrestuar në qytetin Ternitz në jug të Vjenës, ndërsa tjetri në kryeqytetin austriak.
Sipas faqes së internetit Puls24, familja e 19-vjeçarit , anëtarët e së cilës kanë nënshtetësi austriake, e kanë origjinën nga Maqedonia e Veriut dhe ka rrënjë shqiptare.
Mediat austriake shkruajnë se i riu punonte në një laborator dhe dyshohet se vidhte kimikate që mund të përdoreshin për të bërë eksplozivë. Kimikatet e tilla janë gjetur në shtëpinë e 19-vjeçarit dhe janë duke u ekzaminuar.
Theksojmë se koncertet e planifikuara të këngëtares amerikane janë pjesë e turneut i cili filloi më 17 Mars 2023, në SHBA dhe do të përfundojë më 8 Dhjetor 2024, në Vancouver, Kanada.
Botuar nga Drin Zenku
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
