Barcelona mund të shesë Christensenin – vendimi në duart e lojtarit

E ardhmja e Andreas Christensen te Barcelona është vënë në pikëpyetje, ndërsa mbrojtësi danez po shqyrton një largim të mundshëm për shkak të pasigurisë kontraktuale dhe problemeve fizike që e kanë ndjekur gjatë sezonit të fundit.

Christensen ka kontratë me klubin katalanas deri në vitin 2026, por sipas raportimeve të Mundo Deportivo, ai mund të kërkojë një sfidë të re përpara skadimit të saj. Ndërkohë, klube nga Arabia Saudite kanë shfaqur interes për shërbimet e tij, edhe pse nuk ka ende ndonjë ofertë konkrete.

Nga ana tjetër, trajneri i ri i Barcelonës, Hansi Flick, ka shprehur dëshirën për ta mbajtur 28-vjeçarin në skuadër, duke e vlerësuar për aftësitë teknike dhe përvojën e tij në mbrojtje. Christensen mbetet një nga pesë qendërmbrojtësit në dispozicion të gjermanit, por Flick mbetet i rezervuar për shkak të historikut të dëmtimeve të lojtarit.

Barcelona e sheh një shitje të mundshme të danezit si përfitim financiar të pastër, pasi ai erdhi si lojtar i lirë nga Chelsea në vitin 2022. Megjithatë, Christensen po peshohet midis dëshirës për stabilitet dhe minuta të rregullta përpara Kupës së Botës 2026, që mund ta shtyjë të qëndrojë edhe më gjatë në “Camp Nou”.

Për momentin, as lojtari dhe as klubi nuk kanë marrë një vendim përfundimtar, por situata pritet të qartësohet gjatë javëve të para të merkatos së verës.

Flaka