BDI: Fund i turpshëm i një mandati të dështuar në Çair

Komuna e Çairit me vetëm tre kilometra katrorë, por shtëpi për mbi 60.000 qytetarë, është shndërruar në simbol të krimit urban dhe abuzimit institucional, reaguan sot nga BDI: Për vite me radhë, mijëra metra katrorë gjelbërim janë zhdukur për t’i hapur rrugë ndërtimeve të paligjshme dhe korruptive, transmeton Flaka

Kumtesa:

Kjo komunë, ndër më të dendurat në Europë, është bërë një nga më të ndoturat dhe më të pabanueshmet në vend.

Zbulimet e fundit për qindra ndërtesa të ndërtuara mbi dokumente të falsifikuara, të ekspozuara publikisht, tregojnë për përmasat e skandalit dhe rrezikun real që iu kanoset jetës së banorëve.

Kjo është përmbyllja e turpshme e një mandati të karakterizuar nga korrupsioni, ndotja, ndërtimet e paligjshme dhe rrëmbimi i së ardhmes së fëmijëve tanë.

Por shpresa po vjen. Brenda pak muajsh, kjo e keqe që pengoi të ardhmen e Çairit do të largohet, dhe një kapitull i ri, i mbushur me dinjitet, gjelbërim dhe shpresë, do të hapet për të gjithë qytetarët tanë”, reaguan nga BDI. Flaka