Drejtori i ri i MEPSO-s për lule do të shpenzojë 18 mijë euro për një vit!

Kompania shtetërore në një vit do të shpenzojë gati 18 mijë euro për rregullimin, mbjelljen, mirëmbajtjen e lëndinës përballë hyrjes së MEPSO-s, si dhe për fidanët me gjelbërim të përhershëm dhe gjetherënës, sistemin e ujitjes me pika dhe lule, përcjell FLAKA.

Drejtori i ri i përgjithshëm i MEPSO-s, Burim Latifi, nënshkroi kontratën e prokurimit gjatë mandatit të tij në operatorin shtetëror të sistemit të transmisionit të energjisë elektrike (shkurt MEPSO).

Bëhet fjalë jo më pak për rregullimin hortikulturor të hapësirës para ndërtesës së zyrës, por edhe për blerjen e fidanëve dhe luleve me gjelbërim të përhershëm për dekorimin e brendshëm të selisë së MEPSO-s.

Tenderin e ka fituar kompania “Rozen Center” nga fshati Strimnicë i komunës së Zhelinës afër Gostivarit.

Kontrata është e vlefshme për një vit dhe gjatë kësaj periudhe “Rosen Center” do të duhet të dorëzojë mbi 100 mallra dhe shërbime të specifikuara individuale për rregullimin e kopshtit të lëndinës përballë MEPSO-s, si dhe të instalojë një sistem ujitjeje për lëndinë dhe mbjellëse para hyrjeve të firmës shtetërore.

Gjithashtu, tenderi parasheh blerjen e më shumë se 60 llojeve të fidanëve me gjelbërim të përhershëm dhe gjetherënës që duhet të zbukurojnë hyrjen dhe pamjen e jashtme para drejtorisë së MEPSO-s.

Ndër to, specifikimi parasheh blerjen e fidanëve me çmim prej 50 denarë për copë, por ka edhe të tillë që kushtojnë 4.000, 5.000 apo 9.000 denarë për copë.

Për çdo gjë kanë menduar zyrtarët e MEPSO-s që kanë përgatitur specifikacionin e tenderit, ndaj kanë planifikuar edhe blerjen e trëndafilave. Dhe kërcell të shartuar me çmim prej 2.950 denarë për copë (me TVSH).

Për ta bërë përshtypjen të plotë, MEPSO ka menduar edhe lule për arredimin e brendshëm. Kështu, për shembull, kishin planifikuar blerjen e Dracaena Gragans (Masangeana wertak siç shkruhet në specifikimin e ofertës), e cila kushton 9000 denarë për një copë. Bëhet fjalë për gjithsej tetë lloje të luleve për përdorim të brendshëm, prej të cilave dy lloje janë me çmim prej 9.000 denarë për copë, ndërsa gjashtë të tjerat janë me çmim prej 100 denarë për copë.

Të gjitha detajet e specifikimit, i cili përfshin më shumë se 150 artikuj (shërbime dhe produkte), mund t’i gjeni në linkun e mëposhtëm https://e-nabavki.gov.mk/PublicAccess/home.aspx#/contracts/0

Kontrata është lidhur më 6 shtator të këtij viti dhe është dorëzuar në faqen e Byrosë së Prokurimit Publik. FLAKA