Enzo Fernández: “Kroos më impresionoi më shumë se kushdo”
Mesfushori i Chelsea, Enzo Fernández, ka zbuluar se një nga lojtarët që e ka impresionuar më shumë në fushë është legjenda e Real Madrid, Toni Kroos.
Në një prononcim të fundit, argjentinasi theksoi se përballja direkte me Kroos ka qenë një eksperiencë e veçantë për të.
“Lojtari kundërshtar që më ka impresionuar më shumë? Toni Kroos. Ne luajmë në të njëjtin pozicion dhe jemi përballur mes vete”, u shpreh Fernández.
Ai iu referua ndeshjes mes Real Madrid dhe Chelseat në stadiumin Santiago Bernabéu, ku sipas tij, mesfushori gjerman dominoi plotësisht lojën.
Fernández nuk harroi të përmendë edhe një tjetër ikonë të futbollit, Luka Modrić, duke vlerësuar nivelin e lartë të dyshes së mesfushës madrilene.
“Edhe Modrić ishte i jashtëzakonshëm”, shtoi ai.
Deklarata e Enzo Fernández konfirmon edhe një herë respektin e madh që gëzojnë Kroos dhe Modrić në botën e futbollit, si dy nga mesfushorët më të mirë të gjeneratës së tyre.
Flaka
















