Florentino Pérez paralajmëron përforcime të tjera në mbrojtje: “Më shumë mbrojtës po vijnë te Real Madridi”
Presidenti i Real Madridit, Florentino Pérez, ka lënë të kuptohet se klubi madrilen nuk do të ndalet vetëm me afrimin e Ibrahima Konatés gjatë kësaj vere.
Në një deklaratë që ka ngjallur shumë reagime mes tifozëve, Pérez bëri të ditur se drejtuesit e klubit po punojnë për të sjellë edhe më shumë përforcime në repartin defensiv.
“Ibrahima Konaté nuk do të jetë mbrojtësi i vetëm i nivelit të lartë që do t’i bashkohet Real Madridit këtë verë”, deklaroi presidenti i klubit.
Ai shtoi më tej: “Më shumë janë duke ardhur”, duke lënë të hapur mundësinë e transferimeve të tjera të rëndësishme në javët e ardhshme.
Kjo deklaratë vjen në një periudhë kur Real Madridi po kërkon të forcojë ndjeshëm repartin e mbrojtjes për sezonin e ri, me synimin për të mbetur konkurrues në të gjitha kompeticionet. Emra të ndryshëm janë lidhur me klubin në muajt e fundit, ndërsa merkatoja verore pritet të jetë shumë aktive për gjigantin spanjoll.
Tifozët madrilenë tashmë presin me interes lëvizjet e ardhshme të klubit, pasi sinjalet nga drejtuesit sugjerojnë se projekti i rindërtimit të skuadrës është larg përfundimit.
Flaka
















