Hansi Flick: “Barcelona është gati për sezonin e ri”

Trajneri i FC Barcelona, Hansi Flick, ka mbajtur konferencën e tij për shtyp para ndeshjes hapëse të sezonit në La Liga kundër Mallorcës, duke shfaqur besim dhe optimizëm për skuadrën e tij.

“Sot jam shumë i kënaqur me atë që pashë në stërvitje. Jemi gati për nesër,” – tha Flick, duke konfirmuar përgatitjen e ekipit për sfidën e parë zyrtare.

Pikat kryesore nga konferenca:

• Regjistrimet e lojtarëve: “Kam besim të plotë te klubi,” u shpreh Flick, duke iu referuar situatës me regjistrimet e vonuara të lojtarëve.
• Joan Garcia: “Është një portier fantastik. Vendimi për ta nënshkruar ishte kolektiv.”
• Lamine Yamal: “Jam shumë i kënaqur me të. Jo vetëm me topin, por edhe me presionin që bën. Ka përparuar dhe do të bëjë mirë këtë sezon.”
• Iñigo Martínez: “Largimi i tij ishte surprizë për mua. Nuk më pëlqeu që u largua, sepse ishte lider në dhomën e zhveshjes.”
• Marc Bernal: “Kur u lëndua, Dr. Ricard Pruna më tha se mund të mungojë për një vit. Nuk është çështje javësh, por e gjithë karriera e tij është në lojë.”
• Fermín López: “Nuk më impresionoi në fillim të parasezonit, por tani ka përmirësuar shumë. Ishte i shkëlqyer kundër Como.”
• Gerard Martín: “Ka përmirësuar shumë si qendërmbrojtës. Më pëlqejnë lojtarët e gjithanshëm.”
• Ndeshja në Miami me Villarrealin: “Nuk kam menduar për të. Nuk e dimë nëse do të ndodhë, ndaj jam i fokusuar vetëm te Mallorca.”
• Objektivat e sezonit: “Fitimi i tre trofeve nuk është fundi. Duhet të përmirësohemi vazhdimisht.”

Flaka