Nico Williams: Dua të qëndroj te Athletic Club deri në fund të karrierës sime

Nico Williams ka konfirmuar dashurinë e tij për Athletic Club, pasi vendosi të vazhdojë karrierën në Bilbao dhe të rinovojë kontratën me klubin, duke refuzuar interesimin e Barcelonës.

Sulmuesi spanjoll u shpreh se do të ishte i lumtur të qëndronte te Athletic deri në fund të karrierës së tij, duke treguar edhe një herë lidhjen e fortë që ka me klubin bask.

“Do ta firmosja menjëherë të qëndroja te Athletic Club deri në fund të karrierës sime”, deklaroi Williams.

Megjithatë, futbollisti foli edhe për periudhën shumë të vështirë që kaloi gjatë sezonit të fundit për shkak të pubalgjisë, një dëmtim që ndikoi ndjeshëm në performancat e tij.

“Muajt e fundit kanë qenë shumë të vështirë dhe ky vit ka qenë katastrofik. Nuk do t’ia dëshiroja as armikut tim më të madh”, tha ai.

Williams tregoi se dëmtimi e pengoi të stërvitej dhe të luante normalisht, ndërsa në disa raste u detyrua të vazhdonte aktivitetin sportiv duke marrë injeksione për të përballuar dhimbjet.

“Doja të stërvitesha dhe të luaja, por dëmtimi më pengonte. Madje më është dashur të stërvitem dhe të luaj duke marrë injeksione vetëm për të vazhduar”, zbuloi ai në një intervistë për Marca.

Pavarësisht vështirësive, 23-vjeçari mbetet i përkushtuar ndaj Athletic Club dhe synon të rikthehet në formën e tij më të mirë për sezonin e ardhshëm.

Flaka