Prestianni thyen heshtjen: “U ndëshkova pa prova”

Futbollisti i Gianluca Prestianni ka reaguar publikisht për herë të parë pas polemikave të fundit që e përfshinë në një rast me Vinícius Júnior, duke mohuar kategorikisht akuzat ndaj tij.

Në një intervistë për mediat argjentinase, talenti i Benfica u shpreh se ajo që e ka lënduar më shumë ishte fakti që u akuzua për diçka që, sipas tij, nuk e ka bërë kurrë.

“Gjëja që më dhembi më shumë ishte të akuzohesha për diçka që nuk e kam bërë. Jam i qetë sepse njerëzit që më njohin e dinë çfarë personi jam”, deklaroi ai.

Prestianni falënderoi klubin dhe bashkëlojtarët për mbështetjen e treguar, duke theksuar se ajo që ndodhi brenda skuadrës kishte më shumë vlerë sesa reagimet në rrjetet sociale. Ai shtoi gjithashtu se mungesa në ndeshjen e kthimit ishte një goditje e rëndë për të, pasi u ndëshkua pa prova të qarta.

Lidhur me situatën në fushë, ai konfirmoi se kishte biseduar edhe me José Mourinho për të sqaruar situatën dhe për të qetësuar ambientin brenda ekipit.

Futbollisti argjentinas hodhi poshtë çdo pretendim për sjellje raciste apo homofobike, duke theksuar se disa fjalë të përdorura në zhargonin argjentinas keqinterpretohen jashtë kontekstit kulturor.

Ai përmendi edhe një moment tensioni me Kylian Mbappé gjatë ndeshjes, duke thënë se sulmuesi francez e kishte quajtur “racist”, por e cilësoi këtë si pjesë të lojës dhe përpjekje për ta provokuar.

“Duket sikur njerëzit po përpiqeshin të krijonin dramë për diçka që nuk ishte e vërtetë”, përfundoi Prestianni.

Flaka