Shkrirja e akujve po ecën me rritme të shpejta, rriten temperaturat në Polin e Veriut…

Temperaturat në Polin Verior u rritën më shumë se 20 gradë Celsius mbi mesataren të dielën, duke kapërcyer pragun e shkrirjes së akullit.

Temperaturat në veri të Svalbard në Norvegji ishin rritur tashmë në 18 gradë Celsius më të nxehta se mesatarja, sipas modeleve nga agjencitë e motit në Evropë dhe SHBA, me temperatura aktuale afër pikës së shkrirjes së ujit prej 0C, shkruan Guardian.

“Kjo ishte një ngjarje shumë ekstreme e ngrohjes së dimrit”, tha Mika Rantanen, një shkencëtare në Institutin Meteorologjik Finlandez. “Ndoshta jo më ekstremi i vërejtur ndonjëherë, por ende në skajin e sipërm të asaj që mund të ndodhë në Arktik.”

Djegia e lëndëve fosile e ka ngrohur planetin me rreth 1.3C që nga koha paraindustriale, por polet po ngrohen shumë më shpejt ndërsa akulli reflektues i detit shkrihet. Rritja e temperaturave mesatare ka nxitur një rritje të verës së nxehtë dhe të dimrave të butë.

Julien Nicolas, një shkencëtar në Shërbimin e Ndryshimeve Klimatike të BE-së Copernicus, tha se temperaturat jashtëzakonisht të buta në kulmin e dimrit polar ishin të lidhura me një sistem të thellë me presion të ulët mbi Islandë, i cili po drejtonte një rrjedhë të fortë ajri të ngrohtë drejt Polit të Veriut.

Të dhënat e Copernicus treguan se temperaturat mesatare ditore ishin më shumë se 20 gradë Celsius mbi mesataren pranë Polit Verior të dielën.

Top Channel