Spalletti: “Fitorja kundër Romës e rëndësishme, por ende ka punë”
Juventus shënoi fitoren e dytë radhazi në kampionat dhe të tretën në total, përfshirë edhe suksesin në Champions League kundër Pafos, falë golave të Francisco Conceicao dhe Loïs Openda, për ta mundur AS Romën me rezultatin 2-1 në Allianz Stadium. Me këtë fitore, “Bianconerët” ngjiten në vendin e pestë në tabelë, vetëm një pikë pas vetë Romës që mban vendin e katërt për zonën Champions League.
Conceicao hapi rezultatin pak para fundit të pjesës së parë, ndërsa Openda vulosi suksesin në pjesën e dytë. Roma shkurtoi diferencën në minutat e fundit përmes Tommaso Baldanzi, pas një gabimi në mbrojtje, por Juve ruajti avantazhin deri në fund.
Pas ndeshjes, trajneri Luciano Spalletti theksoi rëndësinë e fitoreve radhazi, por edhe punën që skuadra duhet të bëjë, sidomos në fazën mbrojtëse. Ai u ndal edhe te ylli turk Kenan Yıldız dhe reprezentuesi i Kosovës, Edon Zhegrova, duke vlerësuar kontributin e yllit të ri dhe duke theksuar nevojën e përmirësimit të disa elementeve taktike.
Juventus tashmë vjen nga një fitore e rëndësishme edhe në Champions League ndaj Pafos FC, duke shfaqur një formë pozitive para përfundimit të fazës së grupeve.
Flaka
















