Studim: Cigaret elektronike rrisin rrezikun e sulmeve në zemër
Përdorimi i cigareve elektronike mund të rrisë rrezikun e sulmeve në zemër me rreth një të tretën, sipas paralajmërimeve të fundit nga hulumtuesit. Ky shqetësim vjen në një kohë kur përdorimi i këtyre pajisjeve është përhapur ndjeshëm në mbarë botën, veçanërisht tek të rinjtë.
Studiuesit theksojnë se ndikimet afatgjata të cigareve elektronike në shëndet ende nuk janë plotësisht të qarta, por të dhënat e reja ngrenë alarmin për rrezikun potencial që ato mund të kenë mbi sistemin kardiovaskular.
Megjithatë, cigaret elektronike vazhdojnë të jenë pjesë e debatit të gjerë në shëndetin publik, ku disa autoritete i konsiderojnë si alternativë më pak e dëmshme krahasuar me cigaret tradicionale, ndërsa të tjerë kërkojnë rregullim më të rreptë të tyre.
Studimi i ri, i cili pritet të prezantohet në Konferencën Amerikane të Kardiologjisë në New Orleans, konsiderohet një nga analizat më të mëdha të kryera deri më tani mbi ndikimin e përdorimit të cigareve elektronike në shëndetin e zemrës.
Hulumtuesit paralajmërojnë se nevojiten më shumë kërkime për të kuptuar plotësisht efektet afatgjata, ndërsa theksojnë rëndësinë e kujdesit në përdorimin e këtyre produkteve.
Flaka
















