Travis Kelce zbulon nëse është fejuar me Taylor Swift

Travis Kelce ka reaguar ndaj aludimeve se është fejuar me Taylor Swift.

Statusi i lidhjes së çiftit ka qenë temë spekulimesh që kur dyshja filluan të takoheshin në vitin 2023. Tani, Kelce po i jep fund thashethemeve të fundit për romancën e tij.

Pas një vere ku Travis ishte  në turne me Taylor, disa fansa spekuluan se çifti mund të fejohej. Diku tjetër, raportet sugjeruan se ai po planifikon të ngrejë pyetjen e madhe së shpejti. Mirëpo, një përfaqësues i tij i ka kundërshtuar zërat. “Përfaqësuesi i Kelce mohoi të premten lajmet rreth fejesës” raportoi Page Six.

Dalja e parë publike e Swift  dhe Kelce ishte në shtator, kur ajo erdhi për ta parë atë duke luajtur në stadiumin Arrowhead për ndeshjen e tij në Kansas City Chiefs. Këngëtarja më pas zbuloi në intervistën e saj për revistën Time se dyshja  kishin kohë që ishin të lidhur.

Çifti filloi të shihej pasi Kelce, 34 vjeç, foli në podkastin e tij “New Heights” në korrik për përpjekjen – dhe dështimin – për t’i dhënë Swift numrin e tij të telefonit në një koncert të turneut të Eras.

“Ne filluam të rrinim menjëherë pas kësaj,” tha Swift për Time. “Pra, ne në fakt patëm një kohë të konsiderueshme që askush nuk e dinte, për të cilën jam mirënjohëse, sepse u njohëm me njëri-tjetrin.”/Lapsi.al