Zbulohen detajet e transferimit të Vedat Muriqit te Fenerbahçe
Botuar nga Drin Zenku
Vedat Muriqi është zyrtarisht lojtar i Fenerbahçes, ndërsa tashmë janë zbuluar edhe të gjitha detajet financiare të operacionit që rikthen sulmuesin e Kosovës në futbollin turk.
Klubi nga Stambolli do të paguajë plot 15 milionë euro për të siguruar shërbimet e bomberit kosovar. Nga kjo shumë, Mallorca do të përfitojë një tarifë fikse prej 8 milionë eurosh, ndërsa do të marrë edhe 55 për qind të shumës së mbetur prej 7 milionë eurosh, që përkthehet në 3.85 milionë euro shtesë.
Në total, klubi spanjoll do të arkëtojë 11.85 milionë euro nga shitja e Muriqit. Përveç kësaj, Mallorca ka ruajtur edhe 10 për qind të kartonit për një transferim të mundshëm të ardhshëm të sulmuesit.
Nga ana tjetër, Lazio do të përfitojë 45 për qind të shumës së mbetur prej 7 milionë eurosh, duke siguruar rreth 3.15 milionë euro nga kjo marrëveshje.
Sulmuesi i Kombëtares së Kosovës ka firmosur një kontratë afatgjatë me Fenerbahçen, e cila do ta mbajë atë në klub deri në qershor të vitit 2029.
Rikthimi i Muriqit në Turqi konsiderohet si një nga lëvizjet më të rëndësishme të merkatos për futbollistët shqiptarë, me pritshmëri të mëdha që ai të luajë një rol kyç në repartin ofensiv të Fenerbahçes në sezonet e ardhshme.
Flaka
Botuar nga Drin Zenku
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
