Osmani e fton në debat me Siljanovskën e VMRO-DPMNE-së

Botuar nga Flaka 14 Prill, 2024 23:49

Kandidati për President nga Fronti Europian, Bujar Osmani fton kundër-kandidaten nga VMRO DPMNE-ja, Gordana Siljanoska-Davkova në debat. Pasi ajo e kundërshtoi Osmanin se thirrja nga ana e saj për 61 deputetë nuk është nacionaliste e se këto zgjedhje nuk janë referendum për BE ose izolim, Osmani e fton në duel mediatik, me qëllim përballjen e argumenteve.

Gjatë ditëve të kaluara si kandidat i Frontit Europian kam thënë se thirrja e opozitës maqedonase, veçanërisht e VMRO-DPMNE-së dhe Znj. Siljanovska-Davkova për 61 deputetë, është thirrja më nacionaliste, shoviniste dhe etnocentrike e mundshme dhe përjashtuese që kërkon supremacinë e një komuniteti ndaj komuniteteve të tjera. Është përjashtim i komunitetit shqiptar, turk, boshnjak, rom, vllah etj. Madje diku e thash se duhet Prokurori të merret me këtë sepse në bazë të nenit 137 të Kodit Penal çdo thirrje për urrejtje dhe përjashtim të komuniteteve është e dënueshme me ligj. Por, meqë ajo u përgjigj në thirrjen time dhe meqë në këto zgjedhje nuk kemi garë mes partive politike, por kemi betejë mes dy oferta-vizioneve alternative: mes integrimit europian dhe izolimit, mes bashkëjetesës dhe supremacisë nën slloganin “61”, mes pasaportave europiane karshi pasaportave bullgare. Pasi që janë dy koncepte që u ofrohen qytetarëve, e ftoj znj. Siljanovska-Davkova në debat me mua ose të vijë në podcast-in tim dhe t’i argumentojmë qëndrimet tona mbi këto dy koncepte alternative që qytetarët të shohin qartë se para çfarë zgjedhjeje janë vendosur.” tha Osmani në pres konferencën e sotme.

Botuar nga Flaka 14 Prill, 2024 23:49

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.