Rritje e dukshme e besimtarëve që kryejnë Haxhin krahasuar me vitin 2022

Mbi 2,000 besimtarë myslimanë nga vendi ynë do të nisen për pelegrinazh dhe do të vizitojnë vendet e shenjta të Islamit këtë vit, numër i cili është i njëjtë me vitin e kaluar. Këtë e bëri të ditur për Agjencinë Informative Maqedonase (AIM), Irsal Jakupi, Sekretar i Përgjithshëm i Bashkësisë Fetare Islame.

Sipas Jakupit, për vitin 2025 janë të autorizuar 2,020 besimtarë, në përputhje me kuotën e përcaktuar nga Ministria e Haxhit e Arabisë Saudite, megjithëse numri i regjistruar ka qenë më i madh. Fluturimet do të fillojnë më 24 maj dhe do të realizohen me 11 fluturime çarter, secila me nga 180 pasagjerë.

“Besimtarët janë nga moshat më të ndryshme, më i vjetri është mbi 80 vjeç dhe më i riu 10 vjeç,” tha Jakupi.

Çmimi për pjesëmarrjen në Haxh këtë vit është 6,700 euro, që është 150 euro më i lartë krahasuar me vitin 2024.

Vitin e kaluar, 2,030 besimtarë kryen këtë rite të rëndësishme fetare, duke shënuar një rritje të ndjeshme nga 919 besimtarë në vitin 2022.

Festa e madhe e Kurban Bajramit, që shënon përfundimin e Haxhit, do të festohet më 6 qershor 2025 dhe zgjat katër ditë.