Përfaqësimi zero i shqiptarëve në institucione kyçe, alarm për demokracinë dhe unitetin

Në Maqedoninë e Veriut, çështja e përfaqësimit adekuat të komuniteteve etnike në institucionet shtetërore vazhdon të jetë një temë shqetësuese dhe sfiduese, veçanërisht për shqiptarët, një nga komunitetet kryesore etnike në vend, shkruan Flaka. Sipas të dhënave të fundit të publikuara nga nënkryetari i BDI-së, Bujar Osmani, numri i shqiptarëve të punësuar në shumë institucione kyçe shtetërore është afër zero, duke treguar një përjashtim sistematik dhe të qëndrueshëm.

Ky fenomen, që ka marrë përmasa alarmante, është pasojë e një kombinimi faktorësh politikë, ligjorë dhe socialë, që ndikojnë në mosrealizimin e të drejtave për përfaqësim të barabartë. Heqja e balancuesit të punësimit, i cili më parë ndihmonte në ruajtjen e një përfaqësimi proporcional, ka dobësuar mundësinë e shqiptarëve për avancim dhe punësim të drejtë në administratën publike.

Sipas shifrave të prezantuara nga Osmani, në institucione si Enti i Statistikave, Arkivi Shtetëror, Drejtoria e të Ardhurave dhe Ministria e Kulturës, numri i shqiptarëve të punësuar është minimal, duke rënë në një përqindje pothuajse zero. Kjo jo vetëm që cenon parimin e barazisë dhe përfaqësimit të drejtë, por edhe ndikon në besimin e shqiptarëve ndaj shtetit dhe institucioneve të tij.

Përjashtimi i një komuniteti të tërë nga proceset e punësimit në institucionet shtetërore është një reflektim i një diskriminimi struktural, që përkeqëson ndarjet etnike dhe minon unitetin shoqëror. Për më tepër, kjo situatë ngre shqetësime edhe për funksionimin e demokracisë dhe sundimin e ligjit në vend, pasi administrata publike duhet të pasqyrojë në mënyrë përfaqësuese gjithë spektrin e shoqërisë.

Ligji i ri për përfaqësimin e drejtë dhe adekuat, i cili sipas deklaratave të krerëve të VLEN-it është në fazën e përgatitjes, duhet të jetë një mjet efektiv për të korrigjuar këto pabarazi. Sidoqoftë, vonesat dhe kompleksiteti i miratimit të këtij ligji po vonojnë adresimin e kësaj çështjeje urgjente.

Në përfundim, anashkalimi i shqiptarëve në punësimet dhe avancimin në institucionet shtetërore është një problem serioz që kërkon vëmendje të menjëhershme nga të gjitha palët politike dhe institucionale. Vetëm përmes angazhimit të përbashkët dhe respektimit të të drejtave të komuniteteve mund të ndërtohet një administratë publike e drejtë, përfaqësuese dhe e besueshme për gjithë qytetarët e Maqedonisë së Veriut.

Bujar Osmani alarmon: Punësimet e shqiptarëve në Maqedoni afër zero në institucionet shtetërore

Ish ministri i Jashtëm njëherit edhe nënkryetar i BDI-së, Bujar Osmani ka dhënë alarmin për përfaqsimin e drejtë në punsime në Maqedoninë e Veriut. Nga të dhënat që ka publikuar Osmani shihet se punësimet e shqiptarëve në Maqedoninë e Veriut janë barazuar me zero. Në çdo instiucion mbi 99% punësohen maqedonas dhe 1% shqiptar madje diku 100% maqedonas asnjë shqiptar.

Osmani tha se këto zero janë shqiptarët e avancuar apo të punësuar në këto institucione gjatë këtyre ditëve dhe se këto nuk janë vetëm numra. “Ky është reflektim i një përjashtimi të paprecedentë të një populli të tërë nga institucionet e shtetit” ka shkruar Osmani. Pas heqjes së balancuesit punësimi dhe avancimi I shqiptarëve është ulur dukshëm, ndërsa ligji I ri për përfaqësim të drejtë dhe adekuat ka mbetur klabirintheve të institucioneve. Krerët e VLEN-it shpesh herë kanë deklaryuar se ligji së shpejti do të jetë gati.

Por deputetja e VLEN-it, Feride Haxhiu krahason Osmanin me një “zjarrvënës që ankohet pse po digjet shtëpia

Në një status të publikuar në rrjetet sociale, deputetja e VLEN-it, Feride Haxhiu e krahason Osmanin me një “zjarrvënës që ankohet pse po digjet shtëpia”.

Sipas saj, Osmani është përfaqësuesi simbolik i një regjimi që për dy dekada ka shantazhuar shqiptarët përmes kontratave në vepër dhe i ka përdorur vetëm për vota. “Pas zgjedhjeve, nuk ua hapte më as telefonin,” shkruan ajo.

Deputetja thotë se partia e Osmanit është përgjegjëse për krijimin e këtij realiteti diskriminues dhe nuk ka më kredibilitet moral për të denoncuar pasojat e veprimeve të veta.

“Shqiptarët nuk kanë nevojë më për një mashtrues që tallet me dhimbjen që vetë e ka shkaktuar,” vijon Haxhiu, duke shtuar se tashmë qytetarët kërkojnë drejtësi dhe përfaqësues që nuk i bëjnë të luten për barazi.