Julián Álvarez flet për të ardhmen: Jam i lumtur te Atlético, por nuk e di çfarë do të ndodhë sezonin tjetër

Sulmuesi argjentinas Julián Álvarez ka reaguar për herë të parë ndaj spekulimeve rreth të ardhmes së tij te Atlético Madrid, duke theksuar se aktualisht është i lumtur në klub, por duke lënë të hapura të gjitha mundësitë për sezonin e ardhshëm.

Në një deklaratë për mediat, Álvarez u pyet nëse do të qëndrojë edhe sezonin tjetër te skuadra madrilene.

“Sezonin tjetër te Atlético? Nuk e di. Ndoshta po, ndoshta jo. Janë gjëra që njerëzit i thonë”, u shpreh sulmuesi argjentinas.

Ai shtoi se shumë nga lajmet që qarkullojnë në media janë vetëm spekulime dhe se ai vetë nuk ka bërë ndonjë deklaratë për një largim të mundshëm.

“Unë nuk kam asgjë për të thënë përveç se jam i lumtur këtu. Në media fliten shumë gjëra, por nuk është asgjë konkrete”, theksoi Álvarez.

Sipas tij, çdo person mund të publikojë mendimet e veta dhe shpesh këto lajme zmadhohen në media, duke krijuar spekulime për të ardhmen e lojtarëve.

“Kushdo mund të postojë atë që mendon apo beson dhe më pas kjo bëhet më e madhe. Unë nuk kam thënë asgjë – jam i lumtur këtu”, shtoi ai.

Në fund, sulmuesi theksoi se skuadra është e fokusuar në objektivat e sezonit dhe po garon në të gjitha kompeticionet.

“Jemi shumë të lumtur që po garojmë në të gjitha kompeticionet dhe gjithçka po shkon shumë mirë te Atlético Madrid”, përfundoi Álvarez.

Flaka