UEJL sfidon UKIM-in: Diferencë e vogël pavarësisht burimeve shumë më të ulëta

Ish-rektori i Universiteti i Evropës Juglindore (UEJL), Abdulmenaf Bexheti, ka reaguar pas publikimit të rangimit global QS World University Rankings, duke theksuar se universiteti vazhdon të dëshmojë qëndrueshmëri dhe progres të vazhdueshëm.

“Sot u shpall edhe rangimi i universiteteve në shkallë globale: QS World University Ranking dhe UEJL edhe një herë konfirmon qëndrueshmërinë dhe vazhdimsinë e zhvillimit,” ka shkruar Bexheti, përcjell Gazeta Flaka.

Sipas tij, në nivel të Maqedonia e Veriut, UEJL ndan vendin e dytë me Universiteti “Goce Delçev” në pozitën 165, pavarësisht se është disa herë më i vogël për nga stafi dhe njësitë akademike.

“Bile, me ‘konkurentin’ (UGD) që ndan vendin e dytë, performon dy deri tre herë më mirë, krahasuar me produktivitetin për frymë,” thekson ai, duke dhënë disa tregues konkretë:

• “UEJL citime për publikim 2,9 kurse UGD 1,6”
• “UEJL publikime për staf 13,9 kurse UGD 4…”

Bexheti krahason gjithashtu UEJL me Universiteti “Shën Kirili dhe Metodi”, duke theksuar: “UKIM, me staf 20 herë më shumë dhe buxhet publik rreth 40 herë më shumë se UEJL, na prin me vetëm 40 vende.”

Ai shton se renditja vijon me Universiteti “Shën Klimenti i Ohrit”, i cili është rreth 30 vende më poshtë (195), ndërsa vë në pah afërsinë me Universiteti i Tiranës dhe pozicionimin më të lartë krahasuar me Universiteti i Prishtinës.

“Aty ku faktet flasin edhe engjujt heshtin! Urime gjithë stafit, studentëve dhe menaxhmentit nën drejtimin e Rektorit Ibraimi. Ecim më tej!”, përfundon Bexheti. Gazeta Flaka