Republikanët bllokojnë nismën për shkarkimin e ministrit amerikan të Mbrojtjes, Pete Hegseth

Dhoma e Përfaqësuesve e SHBA-së, e kontrolluar nga republikanët, me një vendim procedural ka bllokuar vazhdimin e procedurës për shkarkimin e ministrit amerikan të Mbrojtjes, Pete Hegseth.

Republikanët miratuan një propozim për t’ia dërguar Komitetit për Çështje Gjyqësore shqyrtimin e tetë pikave të aktakuzës për shkarkim. Kongresmeni republikan Thomas Massie, i cili është iniciatori i kësaj nisme, paralajmëroi se ky veprim praktikisht do t’i japë fund procedurës.

Me këtë vendim, republikanët fituan kohë deri vitin e ardhshëm, kur demokratët mund të marrin kontrollin e Kongresit dhe potencialisht ta rikthejnë përpjekjen për shkarkimin e Hegsethit.

Votimi u zhvillua disa orë pasi Hegseth e cilësoi nismën për shkarkimin e tij si farsë dhe mbrojti punën e tij në Pentagon. Pas deklaratave të tij, mbështetje i shprehu edhe presidenti amerikan Donald Trump.

Massie, republikan nga Kentaki, shpresonte të siguronte mbështetjen e deputetëve republikanë të pakënaqur me politikat e Hegsethit dhe të shqetësuar për shkak të jopopullaritetit të luftës me Iranin. Demokratët e mbështetën fuqishëm nismën dhe u përpoqën t’i ndihmonin Massiet.

Hegseth do të ishte ministri i parë amerikan i Mbrojtjes ndaj të cilit do të zhvillohej procedurë për shkarkim përmes impiçmentit. Herën e fundit që një procedurë e tillë u iniciua ndaj një drejtuesi civil të ushtrisë amerikane ishte në vitin 1876, kur William Belknap ishte sekretar i Luftës.

Hegseth e quan veten “ministër i Luftës”, si pjesë e përpjekjeve të tij për të ndryshuar imazhin e ushtrisë amerikane. Sipas tij, para se të merrte detyrën vitin e kaluar, ushtria ishte tepër e dobët dhe tepër e ndikuar nga ideologjia e korrektësisë politike. Megjithatë, presidenti Trump nuk mund ta ndryshojë zyrtarisht emrin e Departamentit të Mbrojtjes pa miratimin e Kongresit.

Ministri Hegseth vazhdimisht e mbron konfliktin ushtarak me Iranin, duke e cilësuar Trumpin si lider të guximshëm dhe duke theksuar se ushtria iraniane është mposhtur.

Ai gjithashtu ka deklaruar se urdhrat e tij drejtuar ushtrisë amerikane kanë qenë të ligjshëm, pavarësisht akuzave të Massiet për “krime të rënda dhe shkelje”. Këto akuza lidhen si me luftën kundër Iranit, ashtu edhe me operacionin ushtarak amerikan të janarit për rrëzimin e presidentit të Venezuelës, Nicolás Maduro.

Menjëherë pas konferencës informuese në Pentagon, Trump përsëriti mbështetjen për Hegsethin përmes një postimi në rrjetin e tij social Truth Social. Flaka Media

• 
• 
• 
• 
• 
• 
• 

32

„Duke pasur parasysh protestat në shtetet e rajonit dhe të botës, a mendoni se edhe Maqedonia e Veriut do të përfshihet në këtë valë të protestave sociale?“

Po, është koha.

24

Jo, nuk mendoj.

7

Nuk ka arsye për të protestuar.

1