Sondazhi i Flakës: Shumica e pjesëmarrësve thonë se shpenzimet mujore përballohen me shumë vështirësi

Flaka
Botuar nga Flaka 7 Tetor, 2026 09:23

Sondazhi i Flakës: Shumica e pjesëmarrësve thonë se shpenzimet mujore përballohen me shumë vështirësi

Sondazhi i radhës i VOX i Flakës sjell në fokus përballimin e shpenzimeve mujore në kushtet e rritjes së çmimeve. Rezultatet tregojnë se pjesa më e madhe e pjesëmarrësve e konsiderojnë situatën ekonomike të vështirë, ndërsa një pjesë e konsiderueshme thotë se përballimi i shpenzimeve është “gati i pamundur”.

Në sondazhin e realizuar në platformën flaka.com.mk, në kuadër të rubrikës VOX i Flakës, pjesëmarrësve iu parashtrua pyetja:

“Si po i përballoni shpenzimet mujore për shkak të rritjes së çmimeve?”

Nga gjithsej 311 vota, përgjigjja më e përzgjedhur ishte “Me vështirësi të mëdha”, me 186 vota, ose rreth 60% të pjesëmarrësve.

Në vendin e dytë u rendit përgjigjja “Gati e pamundur”, e cila mori 97 vota, ose rreth 31%.

Ndërkohë, 16 pjesëmarrës, rreth 5%, u shprehën se shpenzimet mujore “Mund të përballohen”, ndërsa 12 pjesëmarrës, rreth 4%, zgjodhën alternativën “Nuk kam përgjigje”.

Rezultatet e sondazhit:

  • Me vështirësi të mëdha – 186 vota (60%)
  • Gati e pamundur – 97 vota (31%)
  • Mund të përballohen – 16 vota (5%)
  • Nuk kam përgjigje – 12 vota (4%)

Rezultatet pasqyrojnë një perceptim të theksuar negativ të pjesëmarrësve në lidhje me përballimin e shpenzimeve mujore, me mbi nëntë nga dhjetë votues që kanë zgjedhur njërën nga dy alternativat që shprehin vështirësi të mëdha ekonomike.

VOX i Flakës pasqyron qëndrimet e pjesëmarrësve në sondazh dhe nuk përfaqëson domosdoshmërisht opinionin e përgjithshëm publik.

Detaje mbi metodologjinë e sondazhit

Sondazhi është realizuar përmes aplikacionit Poll Maker, i cili mundëson proces të automatizuar të votimit dhe minimizon ndërhyrjen njerëzore gjatë procesit.

Votimi ka zgjatur 7 ditë dhe është zhvilluar përmes platformës elektronike flaka.com.mk. Për të kufizuar mundësinë e votimeve të përsëritura, është aplikuar rregulli që lejon një votë për adresë IP brenda 24 orëve.

Kjo metodologji synon të ofrojë një pasqyrë sa më të qartë të qëndrimeve të pjesëmarrësve online. Megjithatë, rezultatet e sondazheve elektronike duhet të interpretohen si indikative për perceptimin e pjesëmarrësve dhe jo si matje përfundimtare e opinionit të përgjithshëm publik.

VOX i Flakës pyet për Tetovën

Pas përfundimit të sondazhit mbi përballimin e shpenzimeve mujore, Gazeta Flaka hap një pyetje të re në kuadër të VOX:

“A po realizohet programi zgjedhor në Komunën e Tetovës?”

Pjesëmarrësit mund të zgjedhin një nga tri alternativat:

  • Po realizohet
  • Nuk po realizohet
  • Nuk e di

Edhe ky sondazh do të jetë i hapur për 7 ditë në platformën flaka.com.mk, ndërsa rezultatet do të publikohen pas përfundimit të votimit. Gazeta Flaka

39

A ndodhet Maqedonia e Veriut në një krizë të thellë ekonomike, politike dhe sociale?

Flaka
Botuar nga Flaka 7 Tetor, 2026 09:23
Të drejtat autoriale dhe përdorimi i përmbajtjes Disa nga imazhet e publikuara në portal janë siguruar nga burime të ndryshme në internet dhe konsiderohen se i përkasin domenit publik. Në rast se ndonjë person ose subjekt pretendon të drejtën e pronësisë mbi to, Flaka Media është e gatshme të bëjë citimin përkatës të autorit ose, sipas kërkesës, ta largojë menjëherë imazhin nga portali. Marrja, kopjimi, riprodhimi, shpërndarja apo publikimi i paautorizuar i teksteve, fotografive, videove dhe çdo përmbajtjeje tjetër autoriale që përbën pronësi intelektuale të Flaka Media, pa pëlqimin paraprak me shkrim të redaksisë, ndalohet rreptësisht. Çdo shkelje e të drejtave autoriale dhe të drejtave të përafërta do të trajtohet në përputhje me legjislacionin në fuqi. Flaka Media rezervon të drejtën të kërkojë kompensim financiar për dëmin e shkaktuar dhe të ndërmarrë procedurat përkatëse ligjore ndaj shkelësve. Për çdo ripublikim ose shfrytëzim të përmbajtjes autoriale të Flaka Media, është i detyrueshëm sigurimi i pëlqimit paraprak me shkrim nga redaksia. Në rastet kur jepet leja për ripublikim, duhet të vendoset në mënyrë të qartë burimi dhe një lidhje aktive (link) që orienton lexuesit drejt artikullit origjinal në faqen zyrtare të Flaka Media. Përmbajtjet reklamuese dhe materialet e publikuara përmes platformës MGID nuk janë nën administrimin dhe përgjegjësinë editoriale të redaksisë së Flaka Media. Arkivi i portalit ruhet për një periudhë prej dy vjetësh nga data e publikimit të lajmit.
39

A ndodhet Maqedonia e Veriut në një krizë të thellë ekonomike, politike dhe sociale?

Voto edhe...
3
Flaka

Çfarë dëshironi të lexoni apo shikoni në Flaka më së tepërmi?

NDRYSHE

NDRYSHE

    No posts where found

Lexo më shumë