Plakja merr hov në moshën 44 dhe 60 vjeçe

Një studim që është bërë në SHBA, ka gjetur se plakja merr më shumë hov në dy faza, në moshën 44 vjeçe dhe në atë 60 vjeçe.

Studimi, që mbikëqyri mijëra molekula te njerëzit prej moshës 25 vjeçe e deri në 74 vjeçe, ka detektuar se dy valë të mëdha të plakjes ndodhin në moshën 44 vjeçe dhe në moshën 60 vjeçe.

Gjetjet mund të shpjegonin se pse krijohen më shumë rrudha, më shumë probleme shëndetësore, ato muskuloskeletore ale dhe sëmundjet kardiovaskulare në moshë të caktuar, shkruan The Guardian.

“Në nuk ndryshojmë gradualisht me kohën. Ka disa ndryshime me të vërtetë dramatike. Duket se ndryshimet dramatike ndodhin në moshën 44 vjeçe si dhe më pas në moshën 60 vjeçe, pavarësisht se çfarë klasë të molekulave shikon”, ka thënë autori i studimit, profesori Michael Snyder, drejtor në Universitetin e Stanfordit.

Studiuesit kanë analizuar 108 vullnetarë, të cilët kanë dhënë mostrat e lëkurës, fecesit, gjakut, hundës, gojës, çdo disa muaj deri gati në 7 vjet. Studiuesit kanë vlerësuar 135 mijë molekula të ndryshme (ARN-në, proteinat dhe metabolitet) dhe mikrobiomet (bakteret, viruset dhe kërpudhat që jetojnë në zorrët dhe lëkurën pjesëmarrësve).

Sasi e shumicës së molekulave dhe mikrobeve nuk ndryshonte gradualisht. Kur shkencëtarët analizuan detajisht molekulat, gjetën se transformimi më i madh i tyre ndodhte në moshën 44 vjeçe dhe më pas edhe në moshën 60 vjeçe.

Vala e parë e ndryshimeve përfshinte molekulat që kishin lidhje me sëmundjet kardiovaskulare dhe aftësinë e zorrëve për të tretur kofeinën, alkoolin dhe yndyrat.

Vala e dytë e ndryshimeve përfshinte molekulat përgjegjëse për rregullimin e imunitetit, tretjen e karbohidrateve dhe funksionimin e veshkave.

Molekulat e lëkurës dhe muskujve, pësonin ndryshime në të dyja valët.

Është e mundur që disa nga ndryshimet janë ndikim i stilit të jetesës.