Macron: Po hyjmë në epokë të re, të përgatitemi që amerikanët të mos jetë në anën tonë

“Ne po hyjmë në një epokë të re”, Emmanuel Macron u tha qytetarëve në një adresim televiziv. Ai përsërit gatishmërinë për të angazhuar trupat franceze si një forcë e mundshme ruajtëse të paqes në Ukrainë nëse arrihet një armëpushim me Rusinë.

“Përtej Ukrainës, kërcënimi rus është i vërtetë – ai ndikon tek vendet evropiane”, shtoi presidenti francez.

Më pas ai foli për raportet e reja ‘të çuditshme’ me Shtetet e Bashkuara të Amerikës, shkruan skynews.

“Do të doja të besoja se SHBA-ja do të qëndrojnë pranë nesh, por duhet të jemi të gatshëm që kjo të mos ndodhë”, shtoi ai.

Ai parashikon takimin e ardhshëm të Këshillit Evropian, në të cilin do të marrë pjesë edhe presidenti ukrainas, Volodymyr Zelensky.

“Franca duhet të njohë statusin e saj të veçantë – ne kemi ushtrinë më të efektshme dhe më efikase në Evropë”, thotë ai, duke theksuar gjithashtu se Parisi ka armë bërthamore për t’u mbështetur nëse është e nevojshme.

Pavarësisht kësaj, ai thotë se kjo nuk mjafton – dhe Macron zbuloi përpjekjet e reja për investime, por nuk shpjegon se si do të shpenzohen ato, megjithatë duket se po flet për sektorin e mbrojtjes.

“Këto janë investime të reja që do të na lejojnë të mobilizojmë financimin privat dhe financiar publik pa rritje taksash”, deklaroi lideri francez.

Britania e Madhe dhe Franca janë dy fuqitë e vetme bërthamore në Evropë.

“Ne kemi nevojë për reforma, duhet të bëjmë zgjedhje dhe duhet të jemi të guximshëm”, thotë Macron.

“[Friedrich Merz] ka bërë thirrje për një debat strategjik për ofrimin e të njëjtës mbrojtje për aleatët tanë evropianë… çfarëdo që të ndodhë, vendimi do të jetë në duart e Presidentit të Republikës dhe krerëve të ushtrisë”, shtoi ai.

Lideri francez tha gjithashtu se gjatë javës së ardhshme do të mbajë një takim me shefat e ushtrive evropiane në Paris.