Osmani: Ligji i ri për përfaqësim është i dobët dhe nuk e zëvendëson Balansuesin

Botuar nga Flaka 15 Dhjetor, 2025 13:30 Përditësuar

Lexime: 1 159

Ish-ministri i Punëve të Jashtme, Bujar Osmani, ka kritikuar ashpër Propozim-Ligjin për “përfaqësim të drejtë dhe adekuat”, duke vlerësuar se ai nuk mund të shërbejë si zëvendësim i Balansuesit dhe rrezikon të thellojë pabarazinë në administratë.

Sipas Osmanit, ligji i ri nuk është më i detyrueshëm, por vetëm orientues, nuk vepron automatikisht dhe varet nga vullneti i administratës. Ai thekson se mekanizmi i propozuar nuk bllokon vendimmarrjen kur shkelet përfaqësimi, por vetëm e regjistron shkeljen, duke vepruar ex post e jo ex ante.

“Ligji nuk krijon pasoja juridike të drejtpërdrejta për mosrespektim. Ai e zhvendos barazinë nga e drejtë kushtetuese në politikë publike, lejon interpretim, shtyrje dhe relativizim, dhe nuk garanton përfaqësim real, por vetëm menaxhim të përfaqësimit”, ka deklaruar Osmani.

Ai rikujton se Balansuesi funksiononte pikërisht sepse nuk linte hapësirë për improvizim. “Ky ligj krijon vetëm hapësirë. Dhe kur ligji krijon hapësirë, pabarazia gjithmonë e shfrytëzon”, thekson Osmani.

Në fund, ai bën thirrje që ligji të mos kalojë në formën aktuale, duke paralajmëruar pasoja serioze për parimin e përfaqësimit të drejtë dhe adekuat në institucionet shtetërore. Gazeta Flaka

Botuar nga Flaka 15 Dhjetor, 2025 13:30 Përditësuar

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.