Ambasadori Gir: Jam skeptik se mund të arrihet një kompromis tjetër me Bullgarinë

Ambasadori i Bashkimit Evropian në vend, David Gir, në një paraqitje i ftuar në TV Sitel, tha se personalisht është skeptik se mund të arrihet kompromis më i mirë me Bullgarinë, pasi dallimet me fqinjin tonë lindor lidhur e atë se si të vazhdojë procesi i anëtarësimit janë tejkaluar me marrëveshjen e korrikut 2020 e cila ofron një rrugë përpara dhe mundëson hapjen e pritjes, por qeveria e re e ka bërë të qartë se nuk është e kënaqur me këtë zgjidhje dhe beson se mundet rinegocion diçka ndryshe, transmeton Portalb.mk.

“Kam ndjekur nga afër negociatat nga vjeshta 2020 deri në korrik 2022. Ishte një proces i vështirë. Kompromiset u bënë nga të dyja palët dhe mendimi im personal është se ajo që u arrit në fund ishte një kompromis, jo perfekt, por ishte më i miri që mund të arrihej në atë kohë. Unë jam mjaft skeptik për mundësinë e arritjes së diçkaje më të mirë se ajo që është arritur tashmë. Natyrisht, i takon qeverisë të përpiqet dhe është e rëndësishme që të ulet me Bullgarinë në kohën e duhur, por, siç thashë, duke marrë parasysh përvojën time dhe atë që kam marrë deri tani, jam skeptik për mundësinë”, tha Gir.

Sipas Gir, çelësi për anëtarësimin në Bashkimin Evropian janë reformat, ndërsa thotë se nëse qeveria dëshiron të fillojë bisedimet me Bullgarinë, do të mund ta bëjë këtë në çdo moment, sepse pas zgjedhjeve në vend do të ketë autoritete politike me të cilët do të ishte e mundur të bisedohej.

“Nuk keni ngecur sepse çelësi i hyrjes në BE janë reformat. Dhe asgjë nuk e ndalon Qeverinë në zbatimin e reformave. Në fakt, Qeveria ka një mazhorancë shumë të fortë, një mazhorancë që nuk e ka pasur asnjë qeveri në periudhën e fundit, prandaj mund t’i qasen reformave që kanë deklaruar në programin e tyre. Shumë prej tyre janë në përputhje me procesin e antarësimit. Mendoj se tani është koha për një qasje energjike ndaj reformave. Dhe ne po flasim për këtë edhe me ministrat”, tha Gir.

Ndryshe, në raport me Bullgarinë, Maqedonia e Veriut duhet t’i bëj ndryshimet kushtetuese për të ecur përpara në rrugën eurointegruese. Ato nënkuptojnë shtimin e bullgarëve dhe kombeve tjera në Kushtetutë. Kjo vjen si rezultat i asaj që Maqedonia e Veriut pas 17 vitesh me 19 korrik të vitit 2022 filloi bisedimet qasëse me BE-në me mbajtjen e konferencës së parë ndërqeveritare. Megjithatë, negociatat nuk do të fillojnë derisa të bëhen ndryshimet kushtetuese.