Dembele: Ëndërroj Topin e Artë
Botuar nga Drin Zenku
Sulmuesi i PSG-së, Ousmane Dembele, ka folur për herë të parë në mënyrë të drejtpërdrejtë për ëndrrën e fitimit të Topit të Artë, pas një sezoni të suksesshëm me kampionët e Francës.
“Shpresoj të jem mes 30 më të mirëve”
Në një intervistë për France Football, Dembele deklaroi:
“Kam pasur vite të vështira me lëndime e paraqitje jo të mira. Këtë sezon mendoj se kam bërë mirë, ndaj shpresoj të jem të paktën në listën e 30 të nominuarve.”
Endërr nga fëmijëria: Topi i Artë
Dembele e cilësoi trofeun individual më të rëndësishëm si një ëndërr të vjetër:
“Kur isha fëmijë dhe e shihja në Téléfoot, më dukej si diçka e jashtëzakonshme. Vetë objekti – Topi – është diçka e bukur.”
“Nuk jam i fiksuar, por kush nuk e ëndërron?”
Edhe pse e dëshiron çmimin, francezi pranon se nuk është i fiksuar pas tij:
“Është e vështirë ta thuash me gojë që e synon. Por sigurisht, është gjëja më e madhe për një futbollist. Të jesh mes favoritëve është një fitore më vete.”
“Nëse ju pëlqej, mirë – nëse jo, jeta vazhdon”
Për fund, sulmuesi i PSG-së foli edhe për pasionin që ka për lojën:
“Që kur isha i vogël doja të sillja gëzim. Më pëlqen të dribloj, të ndihmoj ekipin, të shënoj. Nëse ju pëlqej si lojtar, mirë. Nëse jo, jeta vazhdon.”
Flaka
Botuar nga Drin Zenku
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
