Mëngjese të ftohta, ditë më të ngrohta: Si do të jetë moti në ditët në vijim

Moti në vend do të vijojë të jetë i ndryshueshëm, me alternime të vranësirave dhe periudhave me diell. Edhe pse mëngjeset do të jenë të freskëta, gjatë ditës temperaturat do të ngjiten ndjeshëm.

Sot, temperaturat minimale do të lëvizin nga 3 deri në 14 gradë Celsius, ndërsa maksimalet pritet të arrijnë nga 19 deri në 26 gradë.

Era do të jetë kryesisht e dobët deri mesatare, me intensifikime të herëpashershme në pjesët verilindore të vendit. Ajo do të fryjë kryesisht nga drejtimi verior.

Në Shkup deri në 25 gradë

Në kryeqytet, mëngjesi do të nisë me temperatura rreth 9 gradë Celsius, ndërsa gjatë ditës temperatura pritet të arrijë deri në 25 gradë.

Sipas parashikimit, kushtet atmosferike në ditët në vijim do të jenë përgjithësisht të qëndrueshme. Fusha e presionit të lartë do të favorizojë periudha me diell dhe mungesë të ndryshimeve të mëdha të motit.

Mëngjeset do të mbeten relativisht të ftohta, ndërsa temperaturat gjatë ditës do të jenë kryesisht brenda vlerave mesatare për fundin e shtatorit.

Deri të dielën, era do të jetë kryesisht veriore dhe me intensitet të dobët deri mesatar. Pas së dielës pritet ndryshim i drejtimit të erës, e cila do të kalojë nga jugu.

Pra, ditët në vijim sjellin një kontrast tipik vjeshtor: mëngjese të freskëta dhe ditë ende relativisht të ngrohta. Gazeta Flaka