Dy persona arrestohen për kultivim dhe shpërndarje kana’bisi
Botuar nga Flaka
Departamenti për Luftën kundër Krimit të Organizuar dhe të Rëndë – Sektori për Hetime Kriminalistike – Njësia për Tregti të Paautorizuar me Drogë, ka dorëzuar kallëzim penal ndaj dy personave nga Shkupi, B.A. (42) dhe B.A. (40), për dyshim për kryerjen e veprës penale: “Prodhim dhe shpërndarje e paautorizuar e drogërave narkotike, substancave psikotrope dhe prekursorëve”, njofton Ministria e Punëve të Brendshme.
Hetimi zbuloi se gjatë periudhës 2020–2025, të dy të dyshuarit kishin blerë fara kanabisi dhe në oborret e shtëpive të tyre në fshatin Ognjanci, afër Shkupit, kishin kultivuar bimë kanabisi. Pas korrjes dhe tharjes, produkti ishte paketuar në qese dhe shitur tek përdorues në qytetin e Shkupit me çmim 500 denarë për qese.
Më 6 shtator 2025, me urdhër gjyqësor, policia ka kryer bastisje në banesat e të dyshuarve. Në banesën dhe oborrin e B.A. (42) u gjetën dhe u sekuestruan marijuanë dhe tetë bimë kanabisi. Ndërkohë, në banesën dhe oborrin e B.A. (40) u gjetën dhe u sekuestruan marijuanë, amfetaminë, një thërrmues dhe katër bimë kanabisi.
Ministria e Punëve të Brendshme thekson se hetimet vazhdojnë dhe masat e mëtejshme ligjore do të ndërmerren sipas procedurës, për të garantuar zbardhjen e plotë të rastit dhe ndëshkimin e përgjegjësve.
Botuar nga Flaka
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
