Evra komenton Palmer: Fillimisht duhet të rikthejë formën
Ish-mbrojtësi i Manchester United, Patrice Evra, ka komentuar së fundmi mbi nivelin e presionit që ekziston në klubin nga “Old Trafford”, duke e lidhur këtë edhe me performancat e mesfushorit të Chelsea FC, Cole Palmer.
Sipas Evra, të luash për Manchester United kërkon që një futbollist të performojë në nivel të lartë gjatë gjithë sezonit dhe jo vetëm për një periudhë të shkurtër.
“Kur luan për Manchester United nuk mjafton të kesh një muaj të mirë. Duhet të performosh gjatë gjithë vitit. Ky është presioni i të luajturit për këtë klub”, u shpreh francezi.
Ai shtoi se është e vështirë të thuhet nëse Palmer do ta ngrinte nivelin e skuadrës së United, pasi presioni në këtë klub është shumë më i madh krahasuar me atë që përjeton aktualisht te Chelsea.
Evra gjithashtu përmendi edhe problemet fizike që ka pasur lojtari kohët e fundit.
“Palmer ka pasur shumë lëndime dhe duhet të rikthejë formën e tij më të mirë”, theksoi ish-mbrojtësi francez.
Deklaratat e Evra kanë hapur diskutime mes tifozëve për faktin nëse Palmer do të ishte në gjendje të përballonte presionin e madh që sjell fanella e Manchester United.
Flaka
















