Hafizi: “S’e ndjej trajnerin profesionist”

Hafizi kritikon Kombëtaren: Nuk krijojmë raste, nuk reagojmë.

Barazimi zhgënjyes i Shqipërisë në Riga ndaj Letonisë ka rikthyer në vëmendje problemet e vjetra të kuqezinjve: mungesa e iniciativës dhe paaftësia për të dominuar ndaj kundërshtarëve në letër më të dobët.

Hafizi: S’ka rritje, s’ka reagim

Ish-trajneri i Kombëtares, Astrit Hafizi, në një intervistë për Top Channel, u shpreh kritik ndaj lojës dhe performancës së trajnerit aktual Sylvinho:

“Nuk krijojmë raste. Pse duhet të luajmë dobët në pjesën e parë? Asnjë reagim nuk u pa as ndaj Letonisë.”

“Sulmuesit tanë? Zero gjuajtje në portë”

Hafizi analizoi detajisht rastet e pakta të kuqezinjve në ndeshje, duke veçuar mungesën e efikasitetit në sulm:

“As Broja, as Manaj, as Hoxha – asnjë gjuajtje në portë. Si do ta fitosh ndeshjen pa kërcënim?”

Kritika për Sylvinhon: S’mund të justifikohesh me emrin e kundërshtarit

Duke përmendur edhe sfidat ndaj Anglisë, Hafizi hodhi poshtë justifikimin se Shqipëria nuk mund të rrezikojë ndaj gjigantëve të futbollit:

“Edhe kundër Gjermanisë kemi luajtur me guxim. S’kemi frikë nga emri. Nëse mendon se do humbasësh, mos u paraqit fare.”

“Sylvinho nuk duhet të vazhdojë”

Ish-trajneri nuk e sheh të udhës që Sylvinho të vazhdojë në krye të pankinës:

“Provat janë dhënë disa herë. Nëse është çështje financiare për FSHF-në, kjo është tjetër gjë. Por nga aspekti sportiv, nuk ka më arsye që të qëndrojë.”

Flaka