Kronika e zezë: 12 raste kriminale dhe aksidente në Maqedoninë e Veriut

Gostivar – Rrezik i përgjithshëm gjatë punimeve ndërtimore
Zyra e Jashtme për Çështje Kriminalistike në Gostivar ngriti kallëzim penal kundër filialeve të dy subjekteve juridike të huaja, për shkak të dyshimeve për kryerjen e veprës penale “shkaktimi i rrezikut të përgjithshëm gjatë punimeve ndërtimore”. Më 25.03.2025, gjatë punimeve në autostradën Gostivar-Kërçovë, në fshatin Banjicë, një shkëmb më i madh ra në repartin e një fabrike tullash, duke dëmtuar edhe një cisternë pronë e fabrikës.

Gostivar – Falsifikim dokumenti dhe keqpërdorim të dhënash personale
Zyra e Jashtme për Çështje Kriminalistike ngriti kallëzim penal kundër M.B. (62) nga Gostivari. Më 31.03.2025, i denoncuari ka paraqitur për kontroll letërnjoftimin e vëllait të tij, duke futur fotografi të tij.

Tetovë – Dhunë dhe kërcënim me mjet të rrezikshëm
SPB Tetovë ngriti kallëzim penal kundër L.H. (43) nga Tetova, i cili më 02.10.2025 sulmoi fizikisht një 14-vjeçar dhe më pas kërcënoi vëllain dhe shokun e tij me një send të mprehtë.

Kavadar – Sulm seksual dhe rrezikim i sigurisë
NJPB Kavadar ngriti kallëzim penal kundër D.G. (40) nga Kavadari, i cili ka sulmuar fizikisht dy vajzat e tij 16-vjeçare dhe i ka prekur në trup.

Shkup – Gjetje dhe sekuestrim i drogës
Më 06.10.2025, nëpunës policorë privuan nga liria S.R. (35), A.V. (23), M.S. (18) nga Shkupi dhe R.L. (24) nga Shqipëria për posedim të materie pluhurore dhe marihuanë. Kundër tyre do të ngrihen kallëzime përkatëse.

Kumanovë – Aksident rrugor
Më 06.10.2025, një automjet “Jaguar” me targa të Kumanovës, i drejtuar nga E.A. (20) doli jashtë rrugës në fshatin Romanovcë. Pasagjerja A.A. (19) pësoi lëndime të rënda trupore, ndërsa drejtuesja lëndime trupore të lehta.

Kërçovë – Sulm me send të mprehtë në shkollë
Një nxënës 17-vjeçar sulmoi një 15-vjeçar me send të mprehtë më 06.10.2025 në një shkollë të mesme. Sendi u sekuestrua dhe do të ngrihet kallëzim penal.

Shkup – Kërcënim në farmaci
Më 06.10.2025, një person kërcënoi një punonjëse me send të mprehtë dhe i mori para në një farmaci në zonën e Qendrës. Hetimet janë në vazhdim.

Shkup – Sulm ndaj qytetarit
Më 05–06.10.2025, disa të mitur sulmuan fizikisht një të mitur në zonën e Qendrës. Kur qytetari B.D. (61) ndërhyri, edhe ai u sulmua dhe pësoi lëndime të rënda trupore.

Shkup – Sulm fizik në palestër
Më 06.10.2025, S.Gj. (34) denoncoi se u sulmua fizikisht nga A.M. (32) në një palestër në një hotel. Kallëzimi penal do të pasojë pas dokumentimit.

Shkup – Vjedhje në autobus
Më 06.10.2025, A.G. (19) nga Kavadari raportoi se në autobus të JSP-së në Kisella Vodë, i është marrë portofoli me para dhe dokumente. Hetimet vazhdojnë.

Shkup – Dhunë në familje
Më 02.10.2025, një grua 35-vjeçare nga Shkupi denoncoi se u sulmua fizikisht nga ish-bashkëshorti i saj, I.J. (34). Hetimet janë në vazhdim.