Vincent Kompany nuk kursen titullarët – Bayern gati për debutimin në turne!
Botuar nga Drin Zenku
Bayern Mynih do të debutojë sot në Botërorin e Klubeve, me objektivin e qartë për të shkuar sa më larg dhe për të synuar fitoren e turneut. Gjiganti gjerman do të përballet me Okland Siti, skuadrën nga Zelanda e Re, e cila është një ekip gjysmë profesionist, pasi shumë prej lojtarëve të saj e kanë futbollin si profesion të dytë.
Pavarësisht diferencës së madhe në nivelin e skuadrave, trajneri Vincent Kompani nuk ka kursyer titullarët për këtë ndeshje, duke hedhur në fushë të gjithë emrat e njohur që pritet të bëjnë diferencën. Bayern Mynih, një nga klubet më të dekoruara në futbollin evropian, synon të dominojë që nga minuta e parë dhe të sigurojë një fitore të pastër në këtë përballje.
Ndeshja do të zhvillohet në TQL Stadium në Cincinnati, SHBA, dhe pritet të jetë një sfidë interesante, ku Okland Siti do të tentojë të sfidojë favoritët e mëdhenj të turneut. Me një histori të pasur në kompeticionet ndërkombëtare, Bayern Mynih kërkon të shtojë një tjetër trofe në koleksionin e tij.
Flaka
Botuar nga Drin Zenku
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
