Vjeshta sjell mëngjese të ftohta, dielli mbizotëron gjatë ditës
Moti sot sjell një tjetër shenjë të qartë të ardhjes së vjeshtës: mëngjese të freskëta dhe temperatura dukshëm më të ulëta, ndërsa gjatë ditës do të mbizotërojë moti me diell.
Sipas Drejtorisë për Punë Hidrometeorologjike (DPHM), mëngjesi do të jetë i kthjellët dhe më i ftohtë, ndërsa gjatë ditës priten vranësira të vogla deri mesatare, kryesisht lokale.
Do të fryjë erë e lehtë deri mesatare nga veriu, e cila përgjatë luginës së Vardarit përkohësisht do të jetë më e fortë. Temperaturat minimale do të lëvizin nga 4 deri në 12 gradë Celsius, ndërsa maksimalet nga 16 deri në 24 gradë.
Në Shkup pritet mot me diell dhe vranësira të vogla deri mesatare lokale. Era veriore do të jetë mesatare deri e përforcuar, me temperaturë minimale 13 gradë dhe maksimale deri në 31 gradë Celsius.
Ndryshimi i motit pritet të ndihet më shumë të premten, kur sipas DPHM-së priten reshje shiu, të cilat në disa zona mund të jenë më të rrëmbyeshme.
Pas reshjeve, vendi pritet të përfshihet sërish nga një periudhë me mot të qëndrueshëm, por me mëngjese më të ftohta.












