Tatuazhet elektronike zbulojnë lodhjen mendore në kohë reale

Shkencëtarët kanë zhvilluar një teknologji inovative që mund të ndihmojë në matjen e stresit dhe lodhjes mendore: tatuazhet elektronike. Këto pajisje të vogla dhe të përkohshme aplikohen në ballë dhe fytyrë, duke funksionuar si sensorë që deshifrojnë valët e trurit.

Kjo teknologji, e zhvilluar nga Nanshu Lu i Universitetit të Teksasit në Austin dhe e përshkruar në revistën Device, mund të jetë e dobishme për monitorimin e ngarkesës mendore te punëtorët, si kontrollorët e trafikut ajror dhe shoferët e kamionëve, duke ndihmuar në shmangien e aksidenteve që vijnë nga humbja e përqendrimit.

Tatuazhet kryejnë funksionin e elektroencefalogramit (EEG), por pa telat dhe kufjet e zakonshme. Ato përbëhen nga një bateri e lehtë dhe sensorë shumë të hollë, të cilët përshtaten me lëkurën dhe masin aktivitetin e trurit. Testimet mbi vullnetarët tregojnë se kur pajisja zbulon valë të larta teta dhe delta, kjo tregon aktivitet të mirë njohës, ndërsa ulja e alfa dhe beta është tregues i lodhjes mendore.

Ndërsa teknologjia vazhdon të evoluojë, studiuesit synojnë të integrojnë tatuazhet me bojë elektronike në flokë, për të kapur një gamë më të gjerë sinjalesh.

Flaka