Bekim Rexhepi (BDI): Diskursi i VMRO-DPMNE ndaj shqiptarëve ka nxitur ndarje dhe tensione
Botuar nga Flaka
Përfaqësuesi i Bashkimi Demokratik për Integrim, Bekim Rexhepi, ka reaguar ndaj diskursit që, sipas tij, VMRO-DPMNE ka përdorur gjatë periudhës sa ishte në opozitë, duke e cilësuar atë si përçarës dhe të rrezikshëm për marrëdhëniet ndëretnike në vend.
Sipas Rexhepit, kjo parti kishte ndërtuar një narrativë se shqiptarët “kanë marrë më shumë se sa u takon”, duke e përsëritur këtë qëndrim në komunikime të ndryshme politike dhe diplomatike, si brenda vendit ashtu edhe me faktorë ndërkombëtarë.
Ai vlerëson se një qasje e tillë ka ndikuar drejtpërdrejt në formësimin e perceptimit publik, duke helmuar elektoratin maqedon dhe duke nxitur ndarje e tensione ndëretnike.
“Kur barazia paraqitet si teprim, atëherë problemi nuk janë të drejtat e shqiptarëve, por vetë pranimi i barazisë si standard demokratik”, thekson Rexhepi.
Nga Bashkimi Demokratik për Integrim shtojnë se diskursi i tillë rrezikon të relativizojë të arriturat e shqiptarëve ndër vite dhe të cenojë karakterin multietnik të shtetit, duke paralajmëruar se ndarja nuk sjell stabilitet, por tensione të reja në shoqëri.
Botuar nga Flaka
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
: Diskursi i VMRO-DPMNE ndaj shqiptarëve ka nxitur ndarje dhe tensione){kind=link}
