Sondazhi veç Izet Mexhitit i pëlqeu – Asnjë reagim nga Bilall Kasami dhe Bekim Sali!
Botuar nga Flaka
29 Mars, 2026 14:50 Përditësuar
Izet Mexhiti ka komentuar sot rezultatet e një sondazhi që, sipas tij, pasqyron mbështetjen e qytetarëve për qeverisjen e VLEN-it.
“Sondazhi i sotëm pasqyron qartësisht mbështetjen popullore për qeverisjen me duar të pastra të VLEN-it. Padyshim që lufta e pakompromis ndaj korrupsionit, investimet kapitale dhe rehabilitimi i tërësishëm i komunave tona përkthehet në përkrahjen e madhe për modelin qeverisës të VLEN-it”, ka thënë Mexhiti.
Ai shtoi se qytetarët e vlerësojnë ndryshimin e sjellë nga VLEN-i, duke përmendur rritjen e pensioneve, investimet në infrastrukturë, mbështetjen e mjekëve, gjinekologëve dhe stomatologëve, si dhe ndërtimin e universiteteve dhe rrugëve.
“Ky sondazh është demanti më i mirë i fushatave kaotike dhe ‘fake-news’ kulturës që me strategji po përpiqet ta instalojë opozita shqiptare e që ka për qëllim të krijojë pasiguri, frikë, paqartësi dhe ndjenjë të përhershme kërcënimi. Propaganda e rreme opozitare nuk e mund dot shërbimin e ndërshëm të VLEN-it”, theksoi ai.
Megjithatë, disa pjesëmarrës kyç të skenës politike shqiptare nuk kanë reaguar për këtë sondazh. Lideri i BDI-së, Ali Ahmeti, ishte politikani më i besuar shqiptar sipas sondazhit, me 5.6% besueshmëri. Ndërsa Bilall Kasami, i cili ndodhej poshtë në listë, shënoi vetëm 2%, pa asnjë reagim publik nga ai. Po ashtu, Bekim Sali shënoi vetëm 0.4% besueshmëri dhe nuk ka komentuar rezultatet.
Mexhiti përfundoi mesazhin e tij me thirrjen për unitet politik:
“Qytetarët dhe votuesit shqiptarë duan bashkim, duan VLEN të konsoliduar dhe të organizuar në një subjekt të vetëm politik, të fuqizuar në një strukturë dhe një zë të artikuluar politik. Bashkimi VLEN! Ju faleminderit për përkrahjen.” Gazeta Flaka
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.
