Studentët shqiptarë mobilizohen, sot konferencë për media në UNT

Studentët organizatorë të protestës së paralajmëruar për të drejtën e dhënies së provimit të Jurisprudencës në gjuhën shqipe kanë njoftuar mbajtjen e një konference për media këtë të enjte në Shkup.

Në një ftesë publike drejtuar mediave, Iniciativa studentore dhe unionet e studentëve kanë bërë të ditur se në konferencë do të prezantohen kërkesat e studentëve, qëndrimet lidhur me zhvillimet e fundit si dhe hapat e mëtejmë të organizimit.

“Të nderuar përfaqësues të mediave, ju ftojmë të merrni pjesë në konferencën për media të organizuar nga Iniciativa studentore dhe Unionet e studentëve lidhur me protestën e paralajmëruar nga iniciativa studentore”, thuhet në njoftim.

Sipas organizatorëve, konferenca do të mbahet sot, më 14 maj 2026, në ambientet e Universiteti Nënë Tereza, duke filluar nga ora 15:00.

“Në konferencë do të prezantohen kërkesat e studentëve, qëndrimet lidhur me zhvillimet e fundit dhe hapat e mëtejmë të iniciativës”, theksohet në njoftim.

Organizatorët kanë vlerësuar se mbështetja e mediave është e rëndësishme për informimin korrekt të opinionit publik.

“Pjesëmarrja dhe mbështetja juaj mediale është me rëndësi të veçantë për informimin e drejtë të opinionit publik”, thuhet më tej në reagim.

Konferenca organizohet nga Iniciativa studentore dhe unionet e studentëve të Universiteti i Tetovës, Universiteti Nënë Tereza dhe Universiteti i Evropës Juglindore, në prag të protestës së paralajmëruar lidhur me kërkesën që provimi i Jurisprudencës të mund të jepet në gjuhën shqipe.

Në mbështetje të plotë të kërkesave të studentëve shqiptarë janë rreshtuar edhe mediat shqiptare, ku portalet Flaka dhe Gostivari Sot kanë shprehur publikisht përkrahjen e tyre, duke theksuar se do të vendosin në dispozicion të studentëve të gjitha resurset mediale për pasqyrimin dhe mbështetjen e kauzës së tyre.
Gazeta Flaka