Analisti Selimi: Në qeveri vendos vetëm Mickoski, të tjerët janë për fotografi
Botuar nga Flaka
Analisti politik Sefer Selimi ka komentuar raportimet se mund të ketë ndryshime në përbërjen qeveritare, përfshirë largimin e disa ministrave të koalicionit.
Sipas tij, vendimmarrja reale në qeveri nuk bëhet në mënyrë kolegjiale, por është e përqendruar te kryeministri.
Ai u shpreh:
“Kush qëndron e kush ikën nga kjo qeveri nuk vendoset as në tavolinë koalicioni, as në institucione, as nga ‘partnerët’ që bëjnë sikur kanë peshë. Vendimi merret vetëm nga ‘mandatari’ Mickoski.”
Selimi shtoi se partnerët e koalicionit, sipas tij, kanë rol të kufizuar në proceset vendimmarrëse.
“Të tjerët janë aty për dekor, për fotografi dhe për ta konfirmuar dhe amortizuar këtë.”
Komenti i tij vjen pasi disa media raportuan për mundësinë e ndryshimeve në qeveri, duke përmendur emra si Ivan Stoilkoviq nga partia serbe dhe Igor Filkov nga koalicioni ZNAM.
Deri tani, këto raportime nuk janë konfirmuar zyrtarisht nga institucionet apo nga vetë qeveria. Gazeta Flaka
Botuar nga Flaka
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
