BDI kryeson ndaj VLEN-it në sondazhin e ri

Sipas një sondazhi të realizuar nga agjencia Market Vision, me porosi të portalit MKD.mk, VMRO-DPMNE gëzon mbështetjen më të madhe të qytetarëve në prag të zgjedhjeve të ardhshme parlamentare, ndërsa në kampin politik shqiptar BDI renditet përpara koalicionit VLEN, përcjell Gazeta Flaka

Në pyetjen “Për cilën parti politike do të votoni në zgjedhjet e ardhshme?”, rezultatet bazohen vetëm te të anketuarit që kanë deklaruar një preferencë partiake (n=497).

Rezultatet janë si vijon:

• VMRO-DPMNE – 49,7%
• LSDM – 14,9%
• BDI – 12,1%
• VLEN – 10,7%
• Levica – 7,0%
• ZNAM – 3,6%
• Tjetër – 2,0%

Në bllokun politik shqiptar, diferenca mes dy subjekteve kryesore është 1,4 pikë përqindjeje, me BDI-në në avantazh ndaj VLEN-it.

Ndërkohë, në pyetjen “Te cili lider i partive politike keni besimin më të madh?”, kryeministri Hristijan Mickoski kryeson me 23,3%, ndërsa pas tij renditen:

• Ali Ahmeti – 5,5%
• Venko Filipçe – 5,1%
• Izet Mexhiti – 4,1%
• Dimitar Apasiev – 4,0%
• Bilall Kasami – 2,5%
• Maksim Dimitrievski – 2,5%
• Arben Taravari – 1,0%
• Bekim Sali – 0,4%
• Tjetër – 1,2%

Nga ana tjetër, një pjesë e madhe e qytetarëve nuk shprehin besim ndaj asnjë lideri politik: 42,2% janë përgjigjur me “Asnjë”, 4,8% nuk kanë dashur të përgjigjen, ndërsa 3,4% janë deklaruar se nuk e dinë.

Metodologjia

Sondazhi është realizuar nga agjencia Market Vision për MKD.mk në periudhën 10–27 qershor, në një mostër prej 1.200 të anketuarish, përfaqësuese sipas gjinisë, moshës, përkatësisë etnike, rajonit dhe llojit të vendbanimit, në përputhje me të dhënat e regjistrimit të popullsisë rezidente të vitit 2021.

Hulumtimi është zhvilluar me metodën CATI (Computer Assisted Telephone Interview), pra përmes intervistave telefonike, me 95% nivel besueshmërie dhe marzh gabimi ±3%. Gazeta Flaka