Ali Ahmeti: 22 Nëntori, ditë krenarie dhe kujtese kombëtare
Kryetari i BDI-së, Ali Ahmeti, ka uruar 22 Nëntorin, Ditën e Alfabetit të Gjuhës Shqipe, duke e cilësuar këtë datë si ditë krenarie dhe kujtese kombëtare.
Në mesazhin e tij, Ahmeti ka rikujtuar rëndësinë historike të Kongresit të Manastirit të vitit 1908, i cili mundësoi njësimin e alfabetit të gjuhës shqipe dhe shënoi një kthesë të rëndësishme për identitetin, arsimin dhe kulturën shqiptare.
„22 Nëntori është ditë krenarie dhe kujtese kombëtare. Kongresi i Manastirit i vitit 1908 i dha gjuhës shqipe alfabetin e njësuar, duke shënuar një kthesë historike për identitetin, arsimin dhe kulturën tonë”, ka deklaruar Ahmeti.
Ai ka bërë thirrje për ruajtjen dhe afirmimin e gjuhës shqipe si një nga vlerat themelore të identitetit kombëtar.
„Ta ruajmë, ta kultivojmë dhe ta afirmojmë gjuhën shqipe si vlerë të shenjtë të identitetit tonë kombëtar. Nderim për rilindësit dhe të gjithë ata që kontribuuan në këtë akt historik!”, ka theksuar Ahmeti, duke uruar qytetarët për 22 Nëntorin.
Is this conversation helpful so far?
Flaka















