VIDEO/ Johnny Depp dhe Andrea Bocelli performojnë së bashku në Itali

Aktori i njohur Johnny Depp doli në skenë me Andrea Bocellin, në kuadër të koncertit treditor të tenorit italian në Itali. Ylli i Hollivudit shoqëroi muzikalisht Bocellin me kitarën e tij, duke festuar me të 30 vjetorin në muzikë.

61-vjeçari u bashkua me të në skenën Teatro del Silenzio, në qytetin e Lazatico, që është edhe vendlindja e Bocellit. Videot e paraqitjes së tyre të përbashkët janë publikuar në rrjetet sociale dhe tregojnë bashkëjetesën e tyre muzikore.

Në fakt, të dy artistët nderuan të ndjerin Jeff Beck duke interpretuar “En Aranjuez Con Tu Amor”, një këngë që ata performuan së bashku në vitin 2020 kur Depp dhe Jeff takuan Andrean gjatë një vizite në Itali. Të tre e kishin regjistruar këngën, me Johnny Depp dhe Andrea Bocelli që e performuan atë live para një publiku katër vjet më vonë.

Andrea Bocelli kishte njoftuar pak ditë më parë partneritetin muzikor me Johnny Depp, në një postim në Instagram: Një aktor simpatik që ka sjellë në jetë personazhe të panumërt ikonë në ekranin e madh, talentet muzikore të këtij artisti eklektik janë po aq intensive: një yll i vërtetë rock, i cili ishte i dashur dhe i duartrokitur kudo.

Ai më pas shtoi: Më kujtohet me mall kur luaja dhe këndoja me Johnny Depp kur ai vizitoi shtëpinë time në Toskanë. Jemi të lumtur të njoftojmë se ky çift do të shfaqet edhe një herë – dhe këtë herë në publik, pasi fansat do të jenë të emocionuar ta dëgjojnë. Ne duam të falënderojmë Johnny që pranoi ftesën tonë. Do të jetë kënaqësia jonë ta mirëpresim atë në skenën e Teatro del Silenzio.