Borxhet nuk do të vjetërsohen para 10 vitesh – Kushtetuesja shfuqizoi ndryshimet në Ligjin për marrëdhëniet e detyrimeve

Gjykata Kushtetuese sot ka marrë vendim që ka shfuqizuar nenin 2 dhe nenin 4 të Ligjit për ndryshimin dhe plotësimin e ligjit për detyrimet. Sipas vendimit do të zbatohet Ligji i vjetër për marrëdhëniet e detyrimeve, përkatësisht afati i parashkrimit të kërkesave të kreditorëve mbetet dhjetë vjet, përcjell FLAKA.

Paraprakisht, Kuvendi me ndryshimet në Ligjin për marrëdhëniet e detyrimeve shkurtoi parashkrimin e kërkesave të kreditorëve nga dhjetë në pesë vjet, duke mundësuar që ligji të ketë fuqi prapavepruese.

Siç tha në konferencën e sotme për media, gjyqtarja Ana Pavlovska Daneva, zëdhënëse për rastin, vendimi bazohet në arsyet se Kuvendi nuk i kushtoi vëmendje ndalimit të zbatimit prapaveprues të ligjeve, si dhe detyrimit kushtetues për të lejuar një kalim periudha e përshtatjes së qytetarëve me regjimin e ri ligjor, (vacatio legis), që i referohet publikimit të ndryshimeve në Gazetë Zyrtare.

Sipas Kushtetutës, siç ka sqaruar Daneva, lejohet përjashtim nga rregulli i përmendur për botim në Gazetën Zyrtare, por Kuvendi nuk i është përgjigjur Gjykatës Kushtetuese dhe as nuk janë adresuar arsyet dhe objektivat për të bërë një përjashtim të tillë në shpjegimin e ndryshimeve legjislative të propozuara, me të cilat Gjykata dyshon se janë shkelur pritshmëritë legjitime të qytetarëve si dhe siguria e tyre juridike.

Në qershor të këtij viti, Gjykata Kushtetuese filloi procedurën për vlerësimin e kushtetutshmërisë së nenit 2 dhe nenit 4 të Ligjit për ndryshimin dhe plotësimin e Ligjit për marrëdhëniet e detyrimeve (Gazeta Zyrtare e Republikës së Maqedonisë së Veriut” numër 154/2023), pasi në janar të këtij viti, sipas këtij ligji, nisin procedurat.

Siç bëjnë me dije nga aty, Gjykata Kushtetuese ka shfrytëzuar mundësinë procedurale si dhe praktikën kushtetuese-gjyqësore për t’u rikthyer në një debat për çështjen e kushtetutshmërisë së të njëjtave dispozita ligjore, bazuar në faktin se është bërë një analizë më e thellë dhe janë bërë dhe janë paraqitur argumente shtesë, si dhe bazuar në faktin se këtë herë Gjykata ka vendosur në përbërje të plotë. FLAKA