Harris vendos rekord për tremujorin më të madh të mbledhjes së fondeve ndonjëherë

Botuar nga Driton Zenku 21 Tetor, 2024 19:56

Fushata e nënpresidentes amerikane Kamala Harris ka vendosur një rekord të ri për financimin, duke grumbulluar 1 miliard dollarë (mbi 900 milionë euro) gjatë tremujorit të tretë të vitit, që përfundoi më 30 Shtator.

Në vetëm muajin Shtator, Harris dhe komitetet e saj të partisë raportuan se grumbulluan 378 milionë dollarë (mbi 348 milionë euro), krahasuar me 160 milionë dollarët (mbi 147 milionë euro) e fushatës së ish-Presidentit Donald Trump.

Harris dhe grupet e saj njoftuan se në fillim të muajit Tetor kishin në dorë 348 milionë dollarë (mbi 321 milionë euro), ndërsa ndihmësit e Trumpit raportuan se fushata e tij kishte rreth 283 milionë dollarë (mbi 219 milionë euro), shkruan The New York Times, përcjell Klankosova.tv.

Ndërsa të dhënat e reja u publikuan në dokumentet e fundit të Komisionit Federal të Zgjedhjeve, u shfaq qartë diferenca mes komiteteve të Harris dhe Trump. Këto shifra ilustrojnë situatën aktuale të garës pas debatit presidencial të Shtatorit, të cilin Harris u perceptua gjerësisht se e fitoi.

Që prej kur Harris u shpall si kandidate për presidente nga Partia Demokratike, ajo ka tejkaluar ndjeshëm Trumpin në financim dhe shpenzime, duke ndërtuar një fushatë shumë më të madhe se ajo e kandidatit republikan.

Gjatë Shtatorit, diferenca mes të ardhurave të komitetit të Harris dhe atij të Trump ishte rreth 3.5 në 1. Harris grumbulloi rreth 222 milion dollarë (mbi 204 milionë euro), ndërsa Trump rreth 63 milion dollarë (mbi 58 milionë euro). Në fillim të Tetorit, komiteti i Harris kishte rreth 187 milion dollarë (mbi 172 milionë euro), ndërsa ai i Trumpit kishte rreth 120 milion dollarë (mbi 110 milionë euro).

Shpenzimet e të dy komiteteve ishin kryesisht për reklama. Rreth 222 milionë dollarë (mbi 204 milionë euro) nga 270 milionë dollarët (mbi 230 milionë euro) e shpenzuara nga Harris në Shtator shkuan për blerje mediatike dhe kostot e prodhimit, ndërsa Trump shpenzoi rreth 53 milionë dollarë (mbi 49 milionë euro) për media, një përqindje më e vogël e 78 milionë dollarëve (mbi 71 milionë euro) që kishte shpenzuar gjithsej.

Botuar nga Driton Zenku 21 Tetor, 2024 19:56

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.