Mungesa e izotopeve lë në pritje prej 2 muajsh rreth 100 pacientë që vuajnë nga kanceri!

Botuar nga Driton Zenku 22 Tetor, 2024 19:38

100 pacientë nga Klinika e Onkologjisë kanë dy muaj që presin për incizimin e kockave në Institutin e Patofizologjisë për shkak të mungesës së izotopeve, mjete që shërbejnë për diagnostikimin dhe shërimin e sëmundjeve të kancerit, shkruan Alsat.

Këtë e bënë të ditur Shoqata e sëmundjeve të kancerit Hema-Onko, të cilat thonë se vonesa e mëtutjeshme për incizime, e ndërlikon edhe më shumë shërimin e pacienteve.

“Për incizim të kockave në këtë moment presin 100 paciente të cilët janë nga Onkologjia, të cilat janë me udhëzime prioritare dhe janë dërguar për këtë kontroll me qëllim të vazhdimit të terapisë. Derisa analizat nuk bëhen ata janë pa terapi gjë që e komplikon edhe më tej gjendjen e tyre. Problemi që është më i theksuar nga institucioni Instituti i Patofiziologjisë është sepse nuk kanë izotope”, tha Ana Marjanoviç nga shoqata HEMA-ONKO.

Për këtë mungesë të izotopeve, ministri i shëndetësisë, Arben Taravari tha se është informuar dhe do të shohin se çka mund të ndërmarrin në ditët në vijim, pasi siç thotë kjo është nën kompetencat e Fakultetit të Mjekësisë.

Për ankesën e pacientëve me kancer të cilët nuk mund të caktojnë terminë për mamografi, Taravarai tha se për mamografi nuk pritet më shumë se një muaj.

“Deri në gjysmën e tetorit kemi bërë pothuajse dyfish më shumë se vitin e kaluar. Asnjëherë nuk është mjaftueshëm. Qëllimi këtë vit është që të arrijmë numrin e rreth 13 mijë termineve. Këto janë mundësit që kemi, unë mendoj se Maqedonia është vendi që më së paku pritet për mamografi, në lidhje me vendet e rajonit”, u shpreh Arben Taravari, ministër i Shëndetësisë.

Lidhur me pritjet e pacientëve me kancer në Klinikën e Onkologjisë, Taravari paralajmëroi se së shpejti këta pacientë kontrollet mund t’i realizojnë edhe në spitalet e qyteteve prej nga vijnë pacientët./ Alsat.mk

Botuar nga Driton Zenku 22 Tetor, 2024 19:38

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.