Inteligjenca artificiale ua lehtëson doktorëve t’i identifikojnë eshtrat e thyera

Botuar nga Driton Zenku 22 Tetor, 2024 20:27

Inteligjenca artificiale (AI) ka potencialin për t’u ndihmuar doktorëve për të identifikuar më mirë numrin e frakturave apo eshtrave të thyera, kur mjekët analizojnë radiografitë. Sipas Institutit Kombëtar të Shëndetit dhe Kujdesit (NICE) në Britani të Madhe, teknologjia është e sigurt dhe mund ta përshpejtojë diagnozën, duke lehtësuar ngarkesën që kanë mjekët dhe duke ulur nevojën për analiza të mëtejshme, ka raportuar BBC.

Katër mjete me AI do të rekomandohen për përdorim në kujdesin emergjent në Angli. Përderisa më shumë prova do të mblidhen për përfitimet e saj, çdo imazh do të shqyrtohet gjithmonë edhe nga një profesionist shëndetësor.

NICE thekson se frakturat shpesh kalojnë pa u vënë re në 3-10% të rasteve dhe kjo është një nga gabimet më të zakonshme në departamentin e emergjencës. Ka një mungesë të madhe të radiologëve dhe radiografëve, me 12.5% dhe 15% vende të lira pune.

“Këto teknologji me AI do t’ua lehtësojnë punën profesionistëve duke ndihmuar në zbulimin e frakturave që mund t’u shpëtojnë vëmendjes së mjekëve”, ka thënë Mark Chapman, drejtor i teknologjisë shëndetësore në NICE, i cili gjithashtu ka theksuar se përdorimi i AI-së mund të përshpejtojë diagnozën dhe të reduktojë nevojën për analiza të mëtejshme.

NICE beson se teknologjia nuk do të çojë në rritjen e diagnozave të gabuara ose referimeve të panevojshme në klinikat për fraktura, pasi një radiolog do ta shqyrtojë gjithmonë imazhin. Kjo qasje do të jetë më e mirë se analiza që mund të bëjë një mjek i vetëm.

Potenciali i AI-së në kujdesin shëndetësor është shumë i madh dhe ai po përdoret gjithashtu për të zbuluar shenjat e para të kancerit të gjirit, për të identifikuar ata që janë më të rrezikuar nga infarktet dhe për të parashikuar pandemitë e ardhshme.

Konsultimet mbi udhëzimet e draftit të NICE-s për përdorimin e AI-së do të përfundojnë më 5 nëntor.

Botuar nga Driton Zenku 22 Tetor, 2024 20:27

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.