Procesi eurointegrues, Murtezani takon ambasadorin bullgar

Botuar nga Driton Zenku 22 Tetor, 2024 21:06

Ministri për Eurointegrime, Orhan Murtezani, mbetet optimist se me formimin eventual të Qeverisë legjitime pas zgjedhjeve në Bullgari do të krijohen kushte më të mira dhe partner relevant në diskutimet dypalëshe mbi zgjidhjen e kontesteve me Sofjen, që njëherit janë pengesë e rrugës eurointegruese të vendit. Këtë mendim Murtezani e ka shprehur në takim me ambasadorin e sapoemëruar të Bullgarisë në vend, Zheljasko Radukov.

“Murtezani dhe Radukovi theksuan rëndësinë e konsolidimit të besimit dhe bashkëpunimit të ndërsjellë, posaçërisht në kontekst të procesit të integrimit evropian, tek i cili duhet shikuar si prioritet i përbashkët strategjik. Në bisedë u potencua angazhimi i dialogut konstruktiv dhe transparent, me qëllim të promovimit të marrëdhënieve të mira fqinjësore dhe zgjidhjen e sfidave të përbashkëta në frymën e bashkëpunimit dhe partneritetit.”, – thuhet në kumtesën e lëshuar nga kabineti i ministrit, Murtezani.

Taravari: Jam optimist, të punojmë të gjithë

Edhe kryetari i ASh-së, Taravari, potencon nevojën e vazhdimit të rrugës evropiane. Sipas tij, kontribuues në zhbllokimin e kësaj strategjie duhet të jenë të gjithë, që momentalisht është e penguar nga mosmiratimi i ndryshimeve kushtetuese.

“Maqedonia patjetër të vazhdojë rrugëtimin evropian. Unë jam shumë optimist, sepse tash kemi vizita prej zyrtarëve të lartë nga Bashkimi Evropian që vijnë në Maqedoni pasnesër. Shpresoj se të gjithë nga pak do ta ndihmojmë procesin dhe do të mundohemi që Maqedonia deri në fund të vitit t’i fillojë ndryshimet kushtetuese.”, – theksoi kryetari i ASh-së, Arben Taravari.

Ndërkohë, në përpjekje për ta vazhduar rrugën eurointegruese, kryeministri Mickoski, javëve të fundit është me agjendë takimesh me politikanë evropianë. Opinioni publik është në pritje të vendimit përfundimtar të shefit të ekzekutivit për letrën e paralajmëruar në adresë të institucioneve të BE-së, që lidhet me propozimet e reja për vazhdimin e negociatave, respektivisht hapjen e kapitujve me Unionin.

Botuar nga Driton Zenku 22 Tetor, 2024 21:06

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.