Mickoski paralajmëroi thellim të bashkëpunimit me Akademinë e Shkencave dhe Arteve

Botuar nga Driton Zenku 23 Tetor, 2024 19:14

Kryeministri Mickoski paralajmëron fuqizimin e Akademisë së Shkencave dhe Arteve të Maqedonisë, me të cilën siç tha do ta hartojë dhe strategjinë për zhvillimin e shtetit deri në vitin 2050. Për këtë strategji ai kërkoi konsensus nga të gjitha partitë politike.

“Një strategji gjithëpërfshirëse e cila do të definojë paradigmën e shtetit bashkëkohor. Ne duhet të shfrytëzojmë dijen e të gjithëve që munden të ndihmojnë, ne duhet të bashkohemi dhe të vendosim synime afatgjate për zhvillim të shtetit, e më pas do të kërkoj konsensus të gjerë partiak për pranimin e kësaj strategjie. Tani e di se në opinion do të fillojnë të flasin për ashtu apo kështu akademie, e për shkak të kësaj e them këtë. Shkenca, qëllimet dhe strategjia nuk duhet të etnizohen”, deklaroi Hristijan Mickoski – Kryeministër.

Deklarata e kryeministrit Mickoski për mosetnizimin dhe fuqizimin e ASHAM-it vjen në kohën kur partneri i koalicionit VLEN-i kërkon mbështetje për financimin dhe zgjidhje ligjore për Akademinë Shqiptare, edhe pse zv.kryeministri i parë Izet Mexhiti ditë më parë tha se paralajmërimi i Akademisë Shqiptare për Shkencë dhe Art ishte tentim për presion me qëllim rritjen e përfaqësimit të shqiptarëve në radhët e ASHAM. Mickoski nga ana tjetër, për planet e tij kërkon mbështetje edhe nga opozitarja, LSDM.

“Për këtë shkak, ejani të mendojmë me strategji dhe për të mirën e shtetiit. Kjo periudhë është thelbësore besoni. Kjo është periudhë ku do të dihet nëse do të jemi apo jo. E di se tingëllon disi si dramatike, dikujt ndoshta i tingëllon si patetike por a e dini se nëse duam të kemi sukses, nuk kemi zgjidhje përpos bashkëpunimit. Dhe kjo patjetër duhet të fillojë menjëherë tani. Kjo qasje sipërfaqësore ndaj politikës na solli deri në këtë derexhe”, tha Hristijan Mickoski – Kryeministër.
Shënimi i 23 tetorit, ditës së luftës revolucionare maqedonase, nuk përfshiu asgjë shqiptare. Asnjë prezantim, asnjë fjalim e asnjë prapavijë në ekran nuk ishte e shënuar në gjuhën shqipe, ndërsa korri i Operës dhe Baletit, performoi vetëm këngë patriotike maqedonase dhe nuk pati asnjë performim shqip. /Alsat.mk

Botuar nga Driton Zenku 23 Tetor, 2024 19:14

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.